Xjachataj uwach ri Ch’ob’otal chak rech upatanixik ri Chomab’al pa Tinamit rech Ya’olchajinik Tojom ri’

71

 

Eri k’amal b’e Sergio Vela, rech Dirección General rech Servicios rech Seguridad Privada (DIGESSP) xujach uwach ri Ch’ob’otal chak rech kapatanixik ri Chomab’al pa Tinamit rech Seguridad Privada, chuwach ri Ministro rech Gobernación, Enrique Antonio Degenhart Asturias xuquje’ chi kuwach ri q’atb’altzij rech ri Ministerio Público, ri Consejo Nacional rech Seguridad, ri Wokajil Ajchajil Tinamit, ri Inspectoría General xuquje’ chi kuwach ri Dirección General rech Control rech Armas xuquje’ Municiones (DIGECAM), aretaq xjach pa k’utik chi kuwach sib’alaj xikitzijob’ej rij chi kuwach ri’.

Eri Vela, xub’ij che ri taqim chi rij pa le taqawokaj kamik, are rech sib’alaj ketatb’enik le winaq tinamit ri’, rech sib’alaj ketob’anik ri wokajil rech ri Taqawokaj pa Amaq’, jeri’ rech ketatb’enik ri winaqilal ri’ xuquje’ rech kanimaxik ri ya’talil winaqil chi ke ri tinamit rech pa taq le b’anow tzukunem ya’olchajinik ri’ xuquje’ rech k’o q’atb’altzij chi kij ri winaqil xuquje’ jachakunb’al wokajil che ri k’o ya’olchajinik tojom pa kiq’ab’ kakib’an ri’.

Xub’ij chik, eri DIGESSP k’o juntir rajchak uchakub’alil rech kachakun ri’, rech kupatanij wari’, xuquje’ rech karetaj uwach ri Chomab’al pa Tinamit rech ri Seguridad Privada ri’, xcha’ ri Vela.

E reqa’lenelab’ ri seguridad privada e rech q’atel b’anow k’ax

Eri Ministro xub’ij ri’ eri ch’ob’otal chak ri’ sib’alaj k’o nim upatanil xuquje’ are wa’ le qas kupatanij che ri taqawokajnem rech ri Ya’olchajinik pa Amaq’, rech pa upatanixik ri b’anow chomab’al pa tinamit chi rij le b’anow ri Ya’olchajinik Winaqilal.

Aretaq xsik’ix uwach ri pa nab’e mul ri wujilal ri’, xuya’ ub’ixik le qas kupatanij ri’ are rech ke’ukoj e ajchajinelab’ rech seguridad privada are rech q’atel b’anow k’ax ri’, pa taq le jachakunb’al kek’oji wiri’.

Pa le keb’ mul uwach ri’ xub’ij, are wa’ qas rajawaxik kaya’taj uwach pa saqil pa taq le Empresas Privadas rech Seguridad, rumal ri’ sib’alaj rajawaxik keya’ pa usaqil ri k’aqb’al che ri kakikoj ri’, xuquje’ are rajawaxik kilik we qas kekowinik kakikojo, we keta’m kakikojo, xuquje we man e uwinaq taj b’anol taq k’ax ri’.

Xuquje’ eri ub’anikil Chomab’al ri’ are kupatanij kuq’atij b’anow taq ch’ojinik ri’ chi kuwach ri Taqawokajil ri’ kuk’ ri jachakunb’al ri’, rumal ri’ rajawaxik k’o b’anow tzijob’enik chomanik kab’an chi kuwach ri’ chi rij taq ub’anikil etab’al b’anow ri’.

Pa k’isb’alil are jun nimachak che ri taqim ub’anik rumal Chomab’alil ri’ are rech k’o jun no’jchakub’al ri’ rech kub’an utz che ri tzijob’enik chi kuwach taq ri Empresas rech Seguridad Privadas xuquje’ pa taq le jalajoj taq wokajil che ri kakojow kech ri’, rech b’a k’o qas pa utzijob’exik ri’.

“We kujkowin che uchakuxik wari’ pa komonchak, eri tajin kaqatzukuj ri’, are rech k’o jun kowilaj tzijob’elil ri’, pa le uq’axik le tzijolil ri’ xuquje’ rech kak’oji pa saqil ri ya’olchajinik chi rij ri’, xuquje’ rech k’o jun utzilaj b’anow chak chi rij ri’ che ri man k’ot ri’ kamik, xuquje’ rech e are jun chi rij wari’ ri wokajil e k’o chupam ri’ kuk’ ri ri empresas rech seguridad privada ri’”, xcha’ ri Ministro.