Xjaq keb’ k’ak’ uk’u’x kik’olib’al e ajchajil tinamit

190

Eri Wokajil Ajchajil Tinamit k’o keb’ k’ak’ kik’olib’alil pa taq le tinamit rech San Juan Bautista xuquje’ pa Pueblo Nuevo pa le juyub’ tinamit rech Suchitepéquez, ri ketob’an r’ che ub’anikil ya’olchajinik pa le keb’ tinamit ri’.

Eri Viceministro rech Ya’olchajinik, Ricardo Guzmán xtatb’en ruk’ ri K’amal b’e Ervin Mayen Véliz, kuk’ ri e ajtaqanel e ajchajil tinamit xuquje’ kuk’ ri e ajkalte’ib’ rech taq tinamit xetatb’en pa le jaqow uwach ri k’ak’ k’olib’al ya’olchajinik ri’.

Eri keb’ peraj juyub’ ri’ rech yakon ja ri’ are xesipax kumal ri e ajkalte’ib’ ri’ xuquje’ are wa’ rech kayak ri’ ruk’ ri pwaqil xuya’o ri Ministerio rech Gobernación xuquje’ rumal ri wokajil ajchajil tinamit ri Q2 millones rajil chi pwaqil kakoj pa jujun rachoch rachoch ya’olchajinik ri’ ri’, are rech b’a’ pa le kaloq’oxik kichak patan ri eqa’lenelab’ ri’.

Eri Viceministro Guzmán sib’alaj xuya’ ub’ixik ri’ che ri uyakik ri keb’ k’olib’alil chajin tinamit ri’ are jun tijob’al chuq’ab’ uchak upatan ri Ministro rech Gobernación, Francisco Rivas Lara ri tajin kuya’o toq’inik b’anow chomanik rech kak’oji b’a’ kik’olib’alil ri e ajchajil tinamit ri’ xuquje’ are wa’ ya’talil chi ke ri winaq tinamit rech keki’kot b’a’ ruk’ ukojik nik’aj k’ak’ uk’olib’alil ya’olchajinik ri’ k’a pa we q’ij pa tinamit ri’.

“Are wa’ ronojel qanima’ kaqanimaj ruk’ jun chak patan pa taqawokajil pa Suchitepéquez, uj k’o ri’ che inimaxik ix jacha’ ri winaqil che ri kikaj kakitzukuj ri jikomal joremal ub’anikil junam jacha’ kaqaj uj ri’”, xcha’ ri Guzmán.

Eri tinamit rech San Juan Baustista e k’o ri’ e 13 mil uwinaqil ri’, chi’ keraqataj wi e 22 eqa’lenel rech ri PNC ri e taqom pa le jun k’ak’ k’olib’al chajin tinamit chi’, pa jun wokomja ri keb’ upam aq’aninaq ri’ rech jachakunb’al patanem chi’, rech kanimaxik ri winaqilal xuquje’ rech ke’uxulan ri eqa’lenelab’ chi’.

Eri K’amal b’e, Mayén Veliz, xuya’ ub’ixik che ri eqa’lenel ri’ kechakun ri’ pa le jun k’ak’ Wokajil Chajin Tinamit ri’ rech Seguridad Integral Comunitaria MOPSIC, rumal ri’ are wa’ rajawaxik che ri winaqilal ri’ ke’opan b’a’ xuquje’ kaketa’maj b’a’ kuwach ri q’atb’altzij rech kechakun kuk’ pa le ya’olchajinik xuquje’ q’atenik b’anow k’ax ri’.

Eri Pueblo Nuevo ri’ are wa’ jun tinamit ri e k’o e 16 mil uwinaqilal ri’, eri ajkalte chi’, are ri José Luis de León xumaltyoxij che ri Viceministro Guzmán xuquje’ chi ke ri q’atb’altzij rech ri PNC rumal ri xyakik ri le Rachoch e Ajchajil Tinamit chi’ rech kuya’o utzilem ch ke ri winaq tinamit ri’.

Eri Viceministro Guzmán xub’ij ri’ che ri San Juan Bautista xuquje’ ri Pueblo Nuevo e keb’ uq’ab’tinamit ri k’o k’i b’anow taq k’ax chi’ xuquje’ rumal ri’ keyexik ri b’anow chomanik kuk’ ri winaqil ri’ rech kachomaxik pa le keb’ tinamit ri’.

COMPARTIR