Xk’is ri riqb’alil rech K’uttijonik rech Ub’anikil K’exnem ri’

448

Ruk’ jun nimalaj b’anow chakunik xuquje’ ruk’ utatb’enik ri doctora América Estrada Flores, k’amal b’e rech ri Direcciòn General rech Servicios rech Seguridad Privada (DIGESSP) xuquje’ ruk’ jun chi ke ri k’amal b’e rech Iximulew ri’, xuk’is paq’ij 13 rech diciembre rech pa we junab’ ri’, pa le nimatinamit rech Lima, Perú, ri K’uttijonik rech Ub’anikil K’exnem ri’.

Eri ilb’anik ri’ are xuya’ chi ke xetatb’enik ri e ajtaqo’ninel rech ri e 26 chi nimatinamit latinoamericanas xuquje’ rech ri Caribe, rech xetzijon chi rij ri kik’aslemamtzij xuquje’ ri eta’mab’alil chi ke ri ixoqib’ xuquje’ ri ya’olchajinik pa le rulewal tinamit ri’.

Chi rij ri uk’u’x uwach uchak ri Centro Regional rech ri Naciones Unidas rech ri Joremal, ri Resaxik K’aqb’alil xuquje’ rech ub’anikil K’iyemal pa Latinoamérica xuquje’ ri Caribe  (Unlirec), chi rij wari xb’an ri nimachomanik ri’, chi’ k’u ri’ eri tatb’enelab’ xkiya’ utzijoxik jujun b’anow chak patan kumal ri’ xuquje’ chi rij nik’aj b’anikil che ri kuwa’lijsaj ri ya’olchajinik pa taq katinamit ri’.

Are chi rij ub’anikil uq’axaxik k’aqb’alil, ri q’atel b’anow chi k’aqb’al, ri b’anow k’ax chi ke ixoqib’ ri’, ri ya’olchajinik chi rij taq k’aqb’alil, ri ya’olchajinik chi ke ixoqib’ ri’, ri ya’ol pa chajinik ri k’aqb’alil k’o pa kiq’ab’ ri wokajil e ya’olchajinik k’o tojb’al rech xuquje’ ri ub’ik wiri, are wari jujun taq uwachtzijonem tzij xtzijob’exik xchomaxik pa le jun nim b’anow chomanik ri’, jeri’ ri kojom wiri ri k’aqb’alil, ri ya’olchajinik k’o katojowik xuquje’ ri chajinik chi rij ub’anikil ri’, are wari taqim uya’ik ri chomanik pa kiq’ab’ ri ixoqib’ pa taq le rulewal taq tinamit ri’.

Eri Unlirec, are xk’utan pa 1986, ruk’ jun taqom ukojik pa le uchak patan ri’ pa le Asamblea rech ri Naciones Unidas, ri k’o nima rachoch pa Lima, Perú, rech katob’anik chi ke e 33 Amaq’ib’ rech América Latina xuquje’ rech ri Caribe, chi rij uya’tajik ri joremal ruk’ uq’atexik k’aqb’al, jeri’ ri ub’anikil k’iyemal winaqil, pwaqil meb’il ri’.