Xk’is uwach tab’altzij che ri Ministro rech Gobernación

151

Are rech b’a’ terenb’em ri tab’altzij ri’, rumal jun diputado rech ri Wokajil b’anb’al taqanib’al pa Amaq’il, eri Ministro rech Gobernación ri’, Francisco Rivas Lara xuya’ ub’ixik che we kamik xk’is uta’ik ri tzij che ri’.

“Are wa’ qachak qapatan rech b’a’ kojupan pa Nimalaj Wokajil ri’, emu wari’ xuquje’ eri molaj qajchak sib’alaj ketajin che upatanixik ri kichak jacha’ kakib’an pa taq ronojel ri’”.

Eri Rivas Lara xuya’ ub’ixik eri we kanimarsax raqan ri tab’altzij chech ri’ pa kiq’ab’ ri diputados k’o wiri’, are wari’ nuchak nupatan rumal ri’ in k’o pa taqik pa wokajilal ri’.

Eri winaq xechap pa le Nimalaj Ya’olchajinem Tzukunik ri’

Eri Ministro xuya’ ub’ixik che ri upatanixik ri b’anow tzukunem xb’an pa le ub’anikil ri Nimalaj Tzukunem Ya’olchajinik iwir, katajin uterenb’exik we kamik xuquje’ are rech katajin kitzukuxik rech keraqatajik jaschi’ keraqataj wi rech kechap ri’.

“E 181 taqom kichapik we kamik ri’ xuquje’ eri molaj sak’ajil tzukunelab’ ketajin che uterenb’exik rij ri’ xuquje’ pa we q’ij ri’ eri kajilab’al nik’aj b’anol k’ax kaq’an na ri kechap ri’”.

K’o nimya’olchajinik pa le unimaq’ij na’tib’al ralaxik we amaq’ ri’

Eri Rivas Lara xub’ij reta’m ri are ri chakunem kab’an na pa le juyub’ tinamit rech Uk’u’x Iximulew ri’ jeri’ pa Xe’laju’, rumal ri’ katajin ri upatanixik ri cholchak rech ya’olchajinik pa taq le juyub’ tinamit pa Iximulew ri’, are rech b’a’ taqim ri ya’olchajinik ri’ pa taq uxo’l ja pa tinamit ri’ xuquje’ rech pa jikomal kakik’owsaxik ri unimaq’ij rech na’tib’al ralaxib’al we amaq’ ri’.

COMPARTIR