Xkojik ri nab’e Kanimaq’ij Ak’alab’ 2017

190

Qaraj e k’o mil quinientos chi alab’om alitom xetatb’enik pa taq le etz’anb’alil ri’ xb’an pa le Nim etz’anb’al ub’i’ Erick Barroondo rumal ri Nab’e Nimaq’ij xb’an rumal ri Ministerio rech Desarrollo Social ri’.

Eri Ministro rech Desarrollo Social, Hennio Galicia, xuya’ ub’ixik ri’ che we ri’ are xmajtajik ruk’ k’i uwach taq b’anikil pa juntir we Amaq’il ri’ xuquje’ rech keyexik kab’an pa keb’ tq wuqq’ij ri’ pa jujun taq tinamit ri’ xuquje’ are utaqim rech ke’uwa’lijsaj ri taq ak’alab’ xuquje’ ri alab’om alitom ri’ are rech keya’ naj che ri b’anow taq k’ax ri’ xuquje’ rech kak’ut chi kuwach kek’oji pa junamil ri’, ruk’ kitob’anik ri wokajil chak patan ri’ rumal ri’ katajin ya’ol tob’anii chi ke rumal ri viceministro rech Q’atel k’ax Axel Romero.

Are wa’ xutaq utunik kuwach rumal ri K’amal b’e Amaq’il we kamik ri’, rech uya’ik utzilem pa le upatanixik ri cholchak pa utz’aqatil ri’ xuquje’ rech jun nim tob’anik rumal ri Ministerio rech Desarrollo, rech katoq’axik ub’anik Kanimaq’ij ri Alab’om Alitom ri’, xcha’ ri Romero.

“Ri uj kaqab’ij che kaqaya’o nim tob’anik che ri chak patan ri’ jacha’ ri kuya’o ri Ministerio rech Gobernación ri’ xuquje’ rech kakojik ri Escuelas Seguras pa le rachoch ri Mineduc ri’, rech kojchakun pa juntir kuk’ ri nan tat, kuk’ ri e ajtijoxel , ri e ajtijonel xuquje’ kuk’ ri alab’om alitom ri’ xuquje’ rech kakoj ri k’olib’alil rech upatanixik ri b’anow etz’anem ri’ pa taq le k’isb’al wuqq’ij ri’”.

Eri molaj alab’om alitom e are ri’ kechakun pa le cholchak rech q’atel k’ax ri’ rech kuwa’lijsaj kitatb’enik pa taq le kik’olib’alil ri’, rech kuya’o jun utzalaj b’anikil pa le tijob’en ib’ chi ke ri alab’om alitom ri’.

“Xuquje’ kujk’oji pa le tatb’enik ri’ ruk’ taq cholupamtzij rech kitatb’enik pa chak patan ri winaqilal ri’, kitatb’enik rech q’atel k’ax ri’, pa le kito’ik ri winaq, eri loq’ob’al ib’ ri’ are qas uwa’lib’al kitatb’enik ri alab’om alitom ri’ rech uq’atexik ri itzelal k’o panoq xuquje’ ri rech cholchak rech k’aslemal ri rajawaxik chi ke ri alab’om alitom pa le uya’ik pa saq kik’aslemalil chuwe’q kab’ij xuquje’ rech kakoj ub’anikil rech kekowinik kakechb’ej uwa’lijsaxik kib’ ri’”.

COMPARTIR