Xkojotaj ri’ ri Ch’ob’otal chak rech kub’sib’al uq’atexik ri toq’inik pwaq kumal ri b’anoj k’ax ri’

153

Rech kaq’atexik ri b’anoj k’ax toq’inik pwaq ruk’ ri b’anoj k’ax k’aqanik chi ke ri e ajchoq’e ch’ich’ erelwinaq kuk’ ri e ajb’insal we ch’ich’ pa nimatinamit ri’, are ri’ utaqim uq’atexik rumal we cholchak rech kub’sib’al ya’olchajinik ri’, are ri’ katajin ukojik kumal ri q’atb’altzij rech ri Ministerio rech Gobernación ri’.

Eri viceministro rech ya’ochajinik ri’, Ricardo Guzmán, xuya’ ub’ixik ucholajil ri’ che we jun ub’eyal ya’olchajinik ri’ are kamajtaj ri’ pa le nima b’e kab’ek pa Saqpalow ri’, ri kakoj wi k’iyalaj taq uk’olib’em chajinem tzukunik chi ke taq ri ch’ich’, kuk’ e ajb’insaxel xuquje’ winaq ke’ok’ow chi’ ri’.

 “Eri Cholchak ri’ man kach’ob’otaj ta ri’ nikpa’ q’ij kanajtib’ uya’ik ri ya’olchajinik ri’ are ri’ ri xya’ pa k’utik chi ke ri e ajchoq’e erelwinaq ri’, ri amaq’el kujchoman kuk’ ri’. Xuquje’ kujkito’o pa le chakunem ri’ eri Ministerio rech ri Ajchajil Amaq’ Tinamit ri’” xcha’.

Eri Guzmán xuya’ ub’ixik che we ya’olchajinik ri’ are k’o uq’ijol uya’tajik we kamik ri’ rech kaq’atexik uchuq’ob’il ri b’anoj taq k’ax ri’ xuquje’ rech kach’ob’ik kakojik pa taq nik’aj chik juyub’ k’olib’em jaqib’alil ri’ ri qas kak’ulmataj wi ri b’anoj k’ax ri’.

Nota: Genesis Agustín.
Foto: Tatiana Valenzuela.

COMPARTIR