Are wa’ uwach ri cholchak rech ri Comisaría Modelo (MPP), pa Chinautla xuquje’ ri xkoj ri’ rumal  ri RTI internacional, ruk’ utob’anik ri Embajada rech ri Estados Unidos pa le uchak patan ri INL  pa San José Chinautla, zona 6, xkojotaj b’a’ ri Uk’olib’al ri Terenb’enik Ya’olchajinik pa Esab’al Rachib’al pa Chinautla, chi’ k’u ri’ xetatb’en wi ri K’amal b’e tob’anel rech Ya’olchajinik Rony Espinoza, ri K’amal b’e kech e Ajchak Víctor Chocoj, ri K’amal b’e rech Q’atel k’ax Antonio Tzuban, ri Taqanel rech ri JEPEDI Mauricio Yax, ri Ajtz’ib’anel rech ri K’amow ub’e rech Tzukno’jchak rech Q’atenik b’anow kamisanik Augusto Gómez Lacán, k’amal b’e rech ri Embajada rech ri Estados Unidos pa le uchak patan ri INL xuquje’ ri ixoq ajkalte rech Chinautla Elizabeth del Cid.

 “Eri uj aj rajawtzij rech kaqaya’o ri joremal ruk’ ri jorob’anem chi jujunal ix” xcha’ ri K’amal b’e rech Ya’olchajinik Rony Espinoza aretaq xtatb’en pa le ujaqik uwach ri Uk’olib’al Esab’al Rachib’al Ya’olchajinik pa Chinautla, chi’ k’u ri’ sib’ala xetaq wiri e 35 ajchajinelab’ rech kakiterenb’ej ri 20 esab’al rachib’al ya’olchajinik e kojom chi’ rui’ ri b’inisam uwach ri’, eri cholchak ri’ are uwach ri tob’anik uya’om ri INL rech ri embajada rech Estados Unidos.

 

“Pa le junab’ 2016, pa ujunamisaxik ruk’ ri rech 2017, are kaqatz’apij ruk’ ri 13% rech ri b’anow k’ax, are wa’ kuk’utu che ri PNC sib’alaj katajin che ya’olchajinik rech uq’atexik b’anow k ‘ax pa we amaq’ ri’” xcha’ ri K’amal b’e rech ri Ya’olchajinik Rony Espinoza.

Pa le uqupixik ri atz’iyaq rinilik chi’ xtatb’en wi ri K’amal b’e rech Ya’olchajinik Rony Espinoza, ri ajkalte rech Chinautla Elizabeth del Cid xuquej’ ri Wayne Pitts, k’amal b’e pa amaq’ rech ri cholchak rech MPP xuquje’ rech xketa’maj uwach ri k’ak’ rachochib’al ya’olchajinik ri’.

Eri Wayne Pitts, k’amal b’e rech ri cholchak MPP “Eri embajada rech Estados Unidos ri are kak’oji na che ya’el tob’anik che ri PNC xuquje’ che ri K’amow ub’e rech Q’atel b’anow k’ax ri’ ruk’ nik’aj chik cholchak che ri kojom chik are rech kuterenb’ej uchakuxik uq’atexik rajilab’al b’anow k’ax pa Chinautla, xuquje’ we nik’aj esab’al rachib’al ya’olchajinik ri’ are wa’ kuya’o jun nim tob’anik chi rij wari’”.

Eri k’ak’ k’olib’al rech uterenb’exik rech esab’al rachib’al ya’olchajinik ri’ are pa komon upatanixik ri’ kab’an ruk’ ri q’atb’altzij rech Chinautla xuquje’ ruk’ ri Wokajil Ajchajil Tinamit are rech uq’atexik b’anow k’ax ri’ xuquje’ rech utz ya’olchajinik kab’an chi’.