Xk’ul Kiq’ij pa Uwachulew ri Ixoqib’ e Malka’nib’ ri’

219

Are rech katerenb’exik ri chak rech e jun ri ixoqib’ e malka’nib’ kuk’ ri kal ri’ pa chap patan pa komon winaqilal ri’ xuquje’ kuwa’lijsaxik rech kanimaxik uwo kiq’ijol ri ya’talil chi ke, rumal ri’ eri Ministerio rech Gobernación ruk’ ri Organización rech Naciones Unidas (ONU), xkik’owisaj “Kanimaq’ij pa Uwachulew ri Ixoqib’ e Malka’nib’a ri’”.

We  nimaq’ij ri’ are xb’an pa el nima rachoch ri Taqawokajnem rech Ya’olchajinik pa we Amaq’ ri’, chi’ xek’oj wi le kajchak taq wokajil ri’ jacha’ ri’: le Wokajilal rech Malka’nib’ Kixoqil kan e Ajb’inisal Ch’ich’ Erelwinaq ri’ pa Nimatinamit ri’; ri Nimawokajil pa Tinamit rech Ixoqib’ e Malk’anib’ ri’ xuquje’ ri Molow rech Ixoqib’ chi rij ri b’anow Utaqonib’al Tinamit pa Iximulew ri’.

Eri Pilar Padilla, k’amal ub’e ri ONU kech Ixoqib’ ri’, xuya’ ub’ixik ucholaj ub’antajil we jun q’ij rech 21 rech diciembre ri’ rech 2010 chi’ k’u ri’ xkoj wi’ le kanimaq’ij ri malka’nib’ kuk’ ri taq kal ri’.

Eri Lilian Pérez, rech Asociación rech Viudas rech kanoq e Ajb’inisal Ch’ich’ rech Erelwinaq pa Nimatinamti ri’, xuya’ ub’ixik che k’o kupatanij kapixb’ax kichomab’alil ri ixoqib’ ri’ rech man k’ot jun ke’utzilib’ej tane’ pa le kib’antajil ri’.

Eri Brenda Suchité Sánchez, e unan ri keb’ taq ak’alab’ ri’ ri are xel kanoq malka’n b’antaj jun junab’ wa’, k’o nim kupeteb’ej we jun tob’anik ri’ che rech kuyak rib’ chi kuxo’l taq ral ri’, rumal ri’ pa le Asociación rech Viudas rech Pilotos rech ri Transporte Público, uk’amom uwach k’uttijonem rech b’anow t’iso’m pa le INTECAP, are k’ut katajin che ukojik pa le uk’aslemal ri’.

“Aretaq xkam le wachajil ri’, sib’alaj xojb’isom kuk’ ri taq wal ri’ e xaqana’ uj xk’is le uwachulew ri’, we kamik kaqilo man je’ tari’. Rumal le Asociación k’o nimtob’anik xya’ chaqe rech xajno’jixik ri’, k’o qawa tajin uya’ik chaqe xuquje’ k’o k’uttijonem tajin uya’ik chuwe rech kinraqo k’o kinchakuj ri’”, xcha’ ri Suchité Sánchez, xuquje’ ri are xe’usik’ij ri e malka’nib’ rech kakiwa’lijsaj kib’ ri’.

 

COMPARTIR