Xloq’ox b’ik uchak patan ri eqa’lenel Chutan Enríquez ri xkamik aretaq katajin che kato’ik winaqil e aj iximulew ri’

129

 

Ruk’ jun q’oxomal, eri q’atb’altzij rech ri Ministerio rech Gobernación, ri K’amal b’e rech ri Wokajil Ajchajil Tinamit (PNC) kuk’ ri taqanelab’ rech wokajil ajchajil tinamit sib’alaj xkiloq’oj b’ik uchak patan ri Eqa’lenel Donaldo Chutan Enríquez pa le Nim Rachoch ri PNC rumal katajin pa chak patan aretaq xkamik pa jun tinamit rech Escuintla.

Eri Ukab’ Taqawokajnel rech ri Ministerio rech Gobernación ri ajk’amal ub’e Kamilo Rivera, xub’ij che ri Chutan Enríquez ri are xkamik rumal xk’am b’ik rumal jun nimaja’ rech San Andrés Osuna, pa rulewal tinamit rech Siquinalá, Escuintla, aretaq b’enaq che uya’ik jun nim tob’anik chi ke ri winaq e jaqal pa taq le juyub’ che xtzaq wi’ q’aq’ sanyeb’ rumal ri jun Ixkanul chi’.

“Rumal ri’ are kab’ij che ri are k’a te kaqil chik qib’, rumal k’ut chiqajunal ri uj are wa’ qachak patan, ruk’ jun no’jk’aslemalil, ruk’ ronojel qanima’ pa amaq’el che ub’anik jacha’ ri xub’ano xk’ulmaj ri Chutan Enríquez, xuquje’ are k’o jun utzalaj k’utb’al xuya’o chaqe uj ri’, rumal are tat, k’o rixoqil, are qachib’il, ri xkamik rumal unimaxik uchak patan ri’”, xcha’ ri Rivera ri’.

Eri Chutan Enríquez, xtob’ani che uk’amik b’ik jastaq wa’ rikil chi ke ri winaqil che ri xkiraq k’ax chi’ rumal ri’ xuya’ rib’ pa le kamikal che kato’ik ri rachalal ri’ pa tinamit, xcha’ ri taqawokajnel rech ri ya’olchajinik pa amaq’.

Rumal ri’ eri K’amal b’e rech ri PNC, Rolando Tzi Juárez, xumaltyoxij che ri loq’ eqa’lenel Chutan Enríquez ri xk’oji che upatan pa le Polimerc xuquje’ xumatyoxij xuya’ rib’ xkamik che kanimaxik ri winaqilal ri’.

“Ruk’ wa’ xkamik jun loq’ k’aslik winaq ri’, rumal ri’ ri are chikaj k’o wi’, xuya’ uk’aslemal ri’ ri maj usachik uchupik ri’”, xcha’ ri Tzi Juárez.
Eri q’atb’altzij xkimaltyoxij chi ke ri rachalal ri Chuutan Enríquez ri’, rumal eri are are jun achi ri xuya’ rib’ che kanimaxik ri rachalal ri’.