Xmajtaj ri cholchak rech k’utbe pa tinamit

334

Eri alab’om alitom recb we amaq’il xetatb’en pa le Cholchak rech K’utb’e pa Tinamit rech ri Wokajil Ajk’utb’e rech ri Wokajil Ajchajil Tinamit (PNC) rech xkimaj ub’anik ri cholchak pa le cholchak patanil pa amaq’ ri’.

E k’o 180 alab’om alitom ri k’o 18 pa 24 kajunab’ ri xetijoxik pa kajib’ ik’ chi rij reta’mab’al k’utb’e ri’ chi rij taq k’i uwachtzijonem rech k’utb’e, ri k’utb’e nimab’e pa tinamit, ri upatan ajb’insal ch’ich’, ri k’axk’olil, ri rech retal k’utb’e, ri nimab’e kub’sib’al k’u’x ri’, ri taqanik rech k’utbe juntir ri’.

Are kataqixik ujipixik we jun eta’mab’alill pa taq ri uq’ab’tinamit, rech uch’ob’ik, rech kakich’ob’ ri winaq xuquje’ rech kak’ut jun b’anikil rech k’utbe chi ke ri winaq tinamit.

Jeri’ e k’o b’elejeb’ rajchak ri uq’ab’tinamit rech San Marcos, rech San Pedro xuquje’ rech Malacatán, rech ri tinamit rech San Marcos; xb’an ri Nab’e Nimcholb’inik pa tinamit ri’, chuxe’ ri nimatzij ub’i’ “Eri tijonem rech k’utb’e are qachak patan qonojel uj”, ruk’ kitob’anik ri q’atb’altzij rech ri  Cholchak rech Nimab’al Amaq’ pa Tinamit, rech ri Wokaj K’utb’e rech ri PNC xuquje’ rech ri Q’atb’altzij chi’.

Pa le tinamit rech Fraijanes, rech ri juyub’ tinamit rech Uk’u’xn Iximulew , ri ajchak patanel amaq’ xkimaj ri’ pa le keb’ q’ij rech ik’ octubre ri cholchak ub’i’ “Retalil K’utb’e” pa le tinamit are kak’is pa jun chik viernes 13 ri’.

Pa Suchitepéquez, eri e ajchak patanel amaq’ ri’ kuk’ taq ak’alab’ taq ala ali, alab’om alitom rech taq tijob’al ri’ xuquje’ kuk’ ri q’atb’altzij rech Tránsito PNC xub’an pa le waqib’ q’ij rech octubre jun cholb’inem pa tinamit pa le tinamit rech San Antonio Suchitepéquez, rech kapixb’ax kichomab’al ri winaq tinamit chi rij ri kupatanij ri tijonem rech k’utb’e ri’ xuquje’ rech kanimaxik ri retab’al b’anow pa taq nimab’e ri’.

Eri upatanixik ri cholchak pa Salamá, pa Baja Verapaz xb’an jun k’uttijonik ub’i’ ri’ “Chatunu awib’ quk’, chatunu awib’ ruk’ ri k’aslemal ri’” pa le 29 rech septiembre pa le oxlajuj q’ij rech octubre.

Eri q’atb’altzij tinamit ri’, ri rech Ajchajil uq’ab’tinamit xuquje’ ri Rech K’utb’e xkijaq pa San Miguel Petapa ri Nimaq’ij rech K’utb’e ub’i’ “ri Petapeños rech k’utb’e ri’” e are k’ut pa amaq’el kechajin pa tinamit pa le Parque rech pa tinamit ri’ k’a pa sábado 7 rech octubre rech pa 8 pa 4 kajb’al rech q’ajib’al q’ij ri’.

COMPARTIR