Xmajtaj ri Nab’e Molb’al tzijol rech Ilob’anik ri Ya’olchajinik pa Tinamit ruk’ kib’antajil le winaq kiraqom k’ax

687

Are taqim reta’maxik jachinaq uwach taq ri b’anow k’ax che ri qas kak’ulmataj ub’anik pa we amaq’ tinamit ri’ xuquje’ are wa’ kuya’o jun utzijolil ri k’ax kiraqom le winaq rumal b’anow k’ax ri’, xuquje’ rech keta’maxik eri b’iw ub’ixik b’anow k’ax ri’ xuquje’ ri k’ax kiraqom ri winaq, xuquje’ ri k’ax kiraqom pa taq kachoch ri’, are wari’ kachakuxik pa taq le ik’ noviembre xuquje’ diciembre ri Nab’e Molb’al Tzijol rech rilik ri Ya’olchajinik pa Tinamit xuquje’ ri k’ax kiraqom ri winaq ri’ (ENPEVI) ri k’o ri’ 17, 750 achochib’al pa ronojel amaq’ tinamit ri’.

Pa le k’utb’al rech ri ENPEVI, ri xk’oji wiri le k’amal b’e rech ri Programa rech ri Naciones Unidas rech ri Uk’iyemal (PNUD), Oficial Claudia Saravia, ri K’amal b’e rech taq Censos xuquje’ Encuestas rech ri Instituto Nacional rech Estadística (INE), Carlos Mancia xuquje’ ri Viceministro rech Prevención Axel Romero, xuya’ ub’ixik che ruk’ wa’ eri Iximulew ri’ are jun k’o pa le cholchak rech pa taq rulewal rech utz’aqik uwach tzijol che ri kub’sib’al ri’, rumal ri’ are kub’an che kakoji pa le keb’ terenb’al pa Centro América pa le ukojik jun molb’al tziol jacha’ wari’.

Eri Viceministro xub’ij eri ENPEVI, kujach na ri’ jun chakub’al rech b’anow solinik pa tinamit, jeri’ chi ke ri nuk’wokaj winaqilal che ri kakib’an ch’ob’onem ri’, jeri’ chi ke ri winaq pa konojel ri’ xuquje’ eri uchuq’ab’il ri’ are kutak’ab’o uwach ri’, emu wari are rajawaxik pa jun uterenb’exik ri chak ri’, are rech kuya’ utzilem pa le b’anow chak ri’ xuquje’ kak’oji pa le uwach taq cholchak rech q’atel k’ax ri’.

E k’o e 150 ajmolol tzijol e jachatil pa ronojel we amaq’ ri’

Chi rij taq pa kajilab’al e ajmolol tzijol ri’ eri Romero xuya’ ub’xik che e k’o ri’ 150 kechakun chi rij wari’ pa oxib’ ik’ pa taq tinamit ri’, xuquje’ e k’o jun puq’ chik rech e ajq’axel rech pa kemamtzij ri’ e are k’ut kakichakuj ri 17 mil 700 chi molb’al tzijolil ri’ xuquje’ rech kakinuk’ pa saq ri’, eri jujun chi ke ri ajmolol tzijol ri’ are kumaj 20 minut che uq’ansaxik pa le kemamtzij ri k’o 100 uwach taq k’otb’al tzij ri’, rumal ri’ naj kenajtib’ che uchakuxik uwach, we molb’al tzijol ri’ are kaq’ax ukojik pa taq le 22 tinamit pa we amaq’ xuquje’ are wari maj junam ta ub’anikr uk’ ri rech pa nik’aj chik tinamit rumal k’o pa kajlajuj uwach b’anow k’ax ri’.

Eri Claudia Saravia rech ri PNUD eri molb’al tzijol ri’ are kuya’ pa retal kab’an uch’ob’ik pa rutzilal xuquje’ pa rajilab’al ri’ xuquje’ eri uwach ri chak kuya’o are kuq’axaj ub’anik rilik ri b’anow k’ax pa we amaq’ ri’, xuquje’ kuya’ pa retal ri qas b’anow k’ax xuquje’ kub’ij ri qas tijow k’ax kakik’ul ri winaq ri’.

“Eri kupatanij ri molb’al tzijol are katob’anik pa le uch’ob’ik ri ajpetisan rech ri b’anow k’ax ri’, ri rilik ri ya’olchajinik, ri rajilab’al ri awan b’anow k’ax, ri uchuq’ab’ ri b’anow jo’snem ri’”, xcha’ ri Saravia.

Xuquje’ xub’ij chik che ri komonchak chuq’ab’ pa le INE xuquje’ pa le Ministerio rech Gobernación are ri’ ri qas k’o nim kupatanij xuquje’ are wa’ qas kakoj pa le b’anow chomanik ri’ xuquje’ pa le ya’ow utzil pa kik’aslemal ri winaq e aj iximulew ri’.