Eri Ministro rech Gobernación, Enrique Antonio Degenhart Asturias, xmajtaj uya’ik nim tob’anik che rumal ri Molaj Nimatinamit pa Uwachulew ruk’ ropanik pa le uchak patanil rumal ri’ Embajador rech Colombia pa Iximulew, Carlos Manuel Pulido Collazos, ri xrechb’ej rech xuki’kotirsaj uchak patan ri taqawokajnel ri’ pa le nim ya’olchajinik pa amaq’ ri’.

Pa le riqb’al kib’ ri’ k’o jalajoj taq uwachtzijonem chomanik xkitzijoj chi kuwach ri’, chire taq are wari ri tob’anik che ya’olm chi ke wokajil ajchajil tinamit (PNC) rech pa Iximulew ri’, jeri’ chi rij uno’jixik ri Modelo Policial rech Seguridad Integral Comunitaria (MOPSIC) ri’.

Sib’alaj xuya’ ub’ixik che ri uwach taq ri cholchak rumal ri Ministro Degenhart are ri’ (Ya’olchajinik Winaqilal, Ya’olchajinik pa Wokajil Poq’sam Meb’il xuquje’ ri Ya’olchajinik pa Uwachulew ri’), are qas chi rij q’atel b’anow k’ax, rumal ri’ eri Mopsic are wa’ jun cholchak ri kuya’ uk’aslemal jun chak patan ri’.

Eri tob’anem colombiano che Iximulew ri’ xuquje’ are kuq’alajisaj upatanixik jalajoj taq cholchak rech q’atel k’ax jacha’ ri katajin che ub’anik ri Wokaj Ajchajil Tinamit chi ke ajtatb’enel rech taq Tijob’al ri’, eri DARE are kuril rij ri q’atel tijow awan kunb’alil, ri GREAT (antipandillas) xuquje’ ri Liga Atlética Policial, ruk’ nik’aj chik ri’.

 

Xuquje’, eri Iximulew xuquje’ Colombia e are xkiwok uwach k’a pa le 207 ri’ jun wokaj winaqil rech nimya’olchajinik kub’sib’al k’u’x rech pa komon kiq’atexik ri nuk’wokaj b’anow k’ax pa taq tinamit pa uwachulew ri’ rumal ri b’anow komonchak kumal ri ajchajil tinamit, ri ajchajil amaq’ kuk’ ri jachakunb’al sak’ajil tzukno’jchak, wokajilal che ri e ajchomal rech utaqixik q’atel k’ax ri’.

Eri riqb’al ib’ chi kuwach ri ajtaqo’n ruk’ ri Ministro ri’ are xub’an ri’ rech aretaq xopan ruk’ ri K’amal b’e Amaq’ Jimmy Morales rech te k’u ri’ xopan pa le uchak patan ri taqawokajnel rech Ya’olchajnik pa Amaq’ ri’.