xmajtaj ukojik ri cholchak rech kichuq’ab’il e ajchajil tinamit pa Sn Pedro Ayampuc

89

“Ajchajinel xuquje’ komon kitunub’ kib’ ri’”, eri utaqib’al ri chakunem k’a pa we q’ij ri’ kakoj pa le tinamit rech San Pedro Ayampuc, Iximulew, jeri’ xb’anik rech xmajtaj ukojik ri Cholchak rech ya’b’al uchuq’ab’ ri b’anow tijonem chi ke rajchak ri Wokajil Ajchajil Tinamit pa le uya’ik ub’ixik ukojb’alil ri Ajchajinel pa taq Komonb’al Winaqil ri’.

We jun cholchak ri’, are toq’im ukojik rumal ri Agencia Japonesa rech Cooperación Internacional (JICA), ri karaj kukoj jun ub’anikil ri ya’olchajinik winaqil k’a pa le kitatb’enik ri winaq tinamit ri’, are wa’ kub’an che ri chak ri’ jun kojb’al rech q’atel k’ax pa le uchak patanik ri Wokajil Ajchajil Tinamit ri’.

Pa kijujunal ri e ajchajil tinamit e toq’itil che ub’anik chajinem ri’, rech kek’oji pa taq ri k’olib’alil xuquje’ jeri’ kakib’an pa taq ronojel q’ij ri’. Rumal ri’ kakilo kakitatb’ej chi ke ri winaq, rech kakil b’a’ le rajawaxik chi ke ri’, man xaq ta kakib’an ya’olchajinik ri’, xane’ are rajawaxik ketob’anik pa le nik’aj chik rajawaxik chi ke ri’.

“Maltyox b’a’ che ri Wokajil Ajchajil Tinamit kik’amom pa chomanik ri nutinamit ri’; we kamik eri San Pedro Ayampuc kub’an ri’ jun nab’e b’anikil loq’ kachomaxikpa we amaq’ tinamit ri’ xuquje’ are wa’ sib’alaj utz kinwilo ri’”, xcha’ ri ajkalte Fredy Peláez, aretaq xkub’isaj ub’ixik ri’ che katob’an na rech kuchomaj ri rajawaxik pa taq le wokajil ajchajil tinamit ri’ xuquje’ are kutaq na pa rilik we qastzij kapatanix uwach ri jun cholchak ri’ pa le uya’ik toq’ob’ chi ke konojel ri winaq chi’.

Rumal ri’, eri k’amal b’e rech ri SICA, Seiji Tomiyasu, xub’ij che sib’alaj kumaltyoxij chi kijujnal ri eqa’lenel chajin tinamit ri’ rumal xkikoj kichuq’ab’ pa le jun cholchak ri’ resam uno’jib’alil chi rij ri K’ak’ b’anikil Ajchajinem pa Komon Winaqil ri’ (MOPSIC).

Eri k’amal b’e rech Operaciones Rony Espinoza, xutoq’ij ub’ixik chi ke e ajchajinel ri’ rech kakikoj kichuq’ab’ pa upatanixik ri chomam chik. Rech kakiya’o ronojel kichuq’ab’ kechakun b’a’ kuk’ ri komon winaqilal rech San Pedro Ayampuc xuquje’ xub’ij chik “e k’o b’a’ e ajno’jchakunel chaqaxo’l pa le wokajil chajin tinamit ri’ xuquje’ rech kechakun b’a’ iwuk’ ix”.

En k’u ri’ k’amal b’e rech ri JEPEDI ri Comisario General Mauricio Yax Solís, xe’upixb’ej ub’ixik chi ke ri winaq rech San Pedro Ayampuc rech kakitun kub’ kuk’ ri e Ajchajil Tinamit ri’ rech kakib’an jun utzalaj chak ri’.

Pa le ub’anikil ri cholchak ri’ keloq’ ri’ xuquje’ kekoj esab’al taq achib’al rech ya’olchajinik ri’.

COMPARTIR