Xmajtaj ukojik ri porb’al rech kaporox ri uk’u’x awan kunb’alil ri’

244

Eri jun unimal che ri cholchak katajin ukojik rumal ri Quinto Viceministerio Antinarcótico are ukojik ri jun porb’al rech kaporoxik uk’u’x awan kunb’alil che ri esam pa kiq’ab’ taq ri e ajk’ayin awan kunb’alil ri’.

Rumal ri’ eri Viceministro Oscar Dávila Mejicanos, kub’ij we jun chakub’al ri’ are ri’ le k’isb’al elinaq loq’ rech pa no’jb’anem ri’ le karaqataj chik pa le Finca Estanzuela xuqje’ pa Navajas, pa le tinamit rech San José del Golfo ri kakoj wiri’.

“Pa le k’olib’em ri’ keraqataj wi’ ri ajchakunel rech ri jun empresa kape loq’ pa k’a pa Pensilvania, Estados Unidos, are rech kakimaj uwiqik ri jun porb’al ri’”, xcha’ ri Dávila.

Eri e ajchakunel rech kakikoj jun porb’alil ri’ e are k’ut kakitijoj ri e ajporonel rech ri uk’u’x awan kunb’alil ri’ che ri kolom chi’ k’a pa le junab’ 2012 ri’.

Pa le b’anow tijonem ri’ ketatb’en wiri’ rajchak ri Subdirección General rech Análisis rech Información Antinarcótica –SGAIA- xuquje’ rech UNESA, chi kuwach ri’ e k’o Ingenieros, Químicos xuquje’ eqa’lenel rech ri PNC, ri b’im chik chi ke jas uporoxik ri uk’u’x awan kunb’alil kakib’an ri’ xuquje’ e are k’ut e rajawtzij pa le ukojik jun k’ak’ porb’al ri’.

Eri ukojik ri jun porb’al awan kunb’alil ri’ kumaj jo’ob’ q’ij rech kakoj ri’, xuquje’ are keyexik rech kojom chik pa k’isb’al taq rech ik’ julio ri’, eri kojb’al rech chi’ are keyexik kataq ukojik ri’ rech kamajik uporoxik ri uk’u’x awan kunb’alil ri’, xcha’ ri Viceministro Dávila.

Ruk’ we jun cholchak ri’ eri Iximulew Nimatinamit ri’ are nab’e ri’ kanab’ejik chi kuwach nik’aj chik nimatinamit rech Centro América ri kakoj wiri’ jun porb’al rech uk’u’x awan taq kunb’alil ri’.

 

COMPARTIR