Eri k’ak’ wujilal rech b’inisal ch’ich’ ri’ are xok uya’ik we kamik ri’, ri are k’o pa uq’ijol chik ri tob’chakub’al chech ri’, jacha’ tane’ ruk’ jun retal rajilab’al QR are wujilal ri’ ya’tal rech kakoj pa tinamit naj ri’.

Eri taqanel rech ri Departamento rech Tránsito rech ri Wokajil Ajchajil Tinamit ri’, Ramiro García Chamán ruk’ ri rajawtzij rech Maycom, Luis Amado, k’o ya’ltzijolinem xub’an ri’ rech xuya’ ub’ixik che pa we q’ij ri’ eri k’ak’ wujilal ri’ are ya’tal chik kesaxik pa taq le jachakunb’al che ri ya’tal wi’ pa ronojel amaq’ ri’.

We jun k’ak’ uwokib’al ri’ are k’o jun retal rajilab’al QR chech ri’ rech kuya’ pa retalil rech kub’sib’al ukojik we wujilal ri’ pa ronojel uwachulew ri’, rumal ri’ are jun chi ke ri k’axk’onem che ri k’o che ri wujilal rech b’inisal ch’ich’ ri’.

Eri Gerente rech Maycom, xuya’ ub’ixik che we kamik are keyexik kajachik 3,500 chi wujilal ri’, are wa’ rech majun k’axk’onem kuya’ chi ke tane’ ri winaqilal ri’ pa le resaxik ri wujilal ri’ are wa’ ya’tal pa 8,000 chi wujilal rech ya’tal ri’ pa ronojel taq q’ij ri’.

Eri wujilal rech b’inisal ch’ich’ kanoq k’o chi chuwach ri q’ij kak’is ukojik ri’, rumal ri’ chinaq winaqil che ri karaj karesaj jun k’ak’ chik wujilal ri’ are ya’tal che rech karesaj ri’.

Eri rajawtzij rech Tránsito rech ri PNC, García Chamán, xuya’ ub’ixik che ri jun chi ke b’anow chakunem ri’ are kachakux ri’ ri chak patan rech ri Jachakunb’alil ri’ ruk’ ri k’ak’ taq tob’chakub’al ri’, rumal ri’ are kab’an k’ak’ che ri ub’anikil ri’ jacha’ kakoj pa taq nik’aj chik nimatinamit naj ri’ xuquje’ eri k’ak’ ub’anikil ri wujilal rech b’inisal ch’ich’ ri’ are wa’ le nab’e uchak xb’an pa komonb’al ruk’ ri Maykom.

Xuquje’ xub’ij che xmajtaj ub’anik jun chakunik rech ketijoxik ri eqa’lenel rech ri PNC xuquje’ rech kaketa’maj ri k’ak’ retalil rech kub’sib’al k’o che ri wujilal rech b’inisal ch’ich’ ri’ xuquje’ are kuya’ kub’sib’al k’u’x che ri ukojik ri wujilal pa juntir uwachulew ri’.