Xnimarik ri ya’olchajinik rech kutzuxik jastaq maj pa usaqil pache’ tz’apib’al ri’

205

Are uwach taq ri ya’olchajinik rech uq’atexik kakoj jastaq maj pa usaqil pache’ ri’, rumal ri’ xnimarik ri ya’olchajinik pa le 22 pache’ tz’apib’al pa we amaq’ ri’, jeri’ xuya’ loq ub’ixik ri ajtzijolinel rech ri Wokajil Japache’ Rudy Esquivel ri’.

Eri Esquivel xuya’ ub’ixik ri’ che we jun b’anikil rech ya’olchajinik ri’ pa le b’anb’al chak patan k’o pa reqale’nib’al ri K’amal b’e Juvell De León, rech uterenb’exik ri uchak patan ri’ pa le uya’ik uchuq’ab’ ri Wokajil Japache’ ri’.

Eri rajilab’al kuya’ reta’maxik che ri ajtzijonel pa le 2016 k’o 258 b’anow tzukunik xkib’an pache’ ri’, are chi’ k’o 359 chi ch’a’wb’alil xraqataj ri’, ruk’ 228 chips xuquje’ ruk’ 68 winaq xetaq pa che’ chi rij ukojik ri jastaq ya’tal taj kakoj pache’ ri’.

Pa we junab’ ri’ k’o 304 b’anow tzukunik xb’an pache’ ri’, rumal ri’ xb’antaj kowinem xraqatajik 550 chi ch’a’wb’alil ri’, ruk’ 338 chi chips xuquje’ ruk’ e 62 chi winaq xechapataj ri’.

COMPARTIR