Xok che reqale’n ri k’ak’ K’amal b’e rech ri RENAP

293

Ruk’ saqilem, pa ch’ajch’ojil xuquje’ ruk’ pa utzilem xumaj uchak patan ri Enrique Octavio Alonzo Aceituno che K’ak’ K’amal b’e rech ri Registro Nacional rech Winaqib’ (RENAP), ri xuya’ uchi’ rech xok che reqale’nib’al pa we q’ij ri’.

Eri pa le uya’ik utzij xub’an ri’ are xkam ub’e rumal ri’ Nimaq’atol tzij rech ri Tribumal Supremo Electoral (TSE) Rudy Pineda, eri viceministro rech Ya’olchajinik Ricardo Guzmán, jeri’ ri Jorge Mario Valenzuela rech ri (TSE).

Eri Pineda, xtzuj che xanimax uwach ri q’ij che ri q’atam pa le ucha’ik ri k’ak’ K’amal b’e ri’.

 “Kaqak’am ub’eyal jun saqilem uchomaxik ri’, rech qataqim ri q’atamtzij k’o pa le etab’al b’anow kojom pa taq nik’aj chik tinamit pa uwachulew ri’ rech pa le ucha’ik ri k’ak’ k’amal b’e rech ri RENAP”, xcha’ ri Pineda, aretaq xsiki’ix ri wujil rech kojb’al rech ri’, chi’ k’u ri’ xuya’ wi utzij ranima’ rech xok che reqale’n k’amal b’e ri’ k’a pa 2022 ri’.

Chuwach ri’ eri Alonzo Aceituno, xub’ij che ri are ruk’ ub’anikil saqilem, pa ch’ajch’ojil ruk’ pa saqalaj tzij kachakun ri’ rech kub’an utz che rachib’al ri wokajil ri Renap ri’ xuquje’ rech kujach kiwujil konojel ri winaq e aj iximulew ri’ pa uya’ik ri Kiwujil rech tzijolil ri’ (DPI).

COMPARTIR