Xqaj pa jun 44% pa kajilab’al ri winaq xechap loq pa nik’aj chik tinamit

253

Eri winaq che ri xechap loq pa taq nik’aj chik tinamit naj are xqaj loq pa jun 44%, man junam ta ri’ ruk’ ri tzijol rech pa 2016, jacha’ ri utzijol xya’taj rumal ri Dirección General de Migración (DGM).

Eri Alejandra Mena, ajtzijolinel rech ri DGM, pa kajilab’al ri’ are xk’ulmataj wari pa enero k’a pa diciembre rech 2016 aretaq xya’taj ub’ixik che e k’o 56,142 chi winaq e aj iximulew ri’, pa junab’ chik ri’ pa ronojel e k’o 32,504, “are wa’ karaj kub’ij che k’o e k’i winaq xeb’e che utzukuxik kichak pa taq nik’aj tinamit ri’”.

Chi ke ri winaqil e aj iximulew che ri xechap loq e 6,999 chi ak’alab’ chi ke, e k’i chi ke man k’ot xachb’ilan kech ri’, kutukel ri’ e b’enaq, jeri’ e k’o 25,505 chi ri’j winaq ri’.

Eri Mena, xub’ij che ri wina e aj iximulew pa Estados Unidos pa xik’ach’ich’ xeb’e wiri, e k’o na panoq chi kuwach ri xetaq loq pa junab’ir kanoq.

“Pa 2016 xepe k’ut e 32,020 chi e aj iximulew ri’, pa we junab’ chik ri’ e k’o 32,590 xetaq loq chi’. Eri e are ri’ xepe pa 305 kib’enam xik’ach’ich’chi’, are wari utzijo xya’taj ri’ rech ri k’isb’al oxib’ ik’ k’a pa le 28 rech diciembre ri’”, xcha’ ri Mena.

Eri ajtzijolinel ri’ xub’ij eri konojel ri winaq che xechap loq ri’ are paketik pa Texas xuquje’ pa California, xuquje’ rech xetaq loq pa taq xik’ach’ich’ ri’. “Pa taq wuqq’ij e k’o oxib’ xik’ach’ich’ xek’amow loq ri’”, xcha’.

K’o loq’ ilonem xya’taj chi ke aretaq xe’opan chi’

Pa le Centro rech Recepción kech Retornados, k’o pa le Fuerza Aérea Guatemalteca (FAG), eri qawinaqil che ri xechapik xetaq loq k’o jun tzijob’enik rech ulab’al xya’taj chi ke aretaq xe’opan pa we nimatinamit ri’, e chik keyexik rech k’o ya’olchajinik kab’an pa taq le q’axb’al pa le amaq’il ri’.

Chi la’ k’ut xuquje’ xb’an uch’ob’ik kuwach ri taq ak’alab’ na xuquje’ aretaq xeraq k’ut k’o jun winaq ajtaqo’n xtaqik rech ri Procuraduría General rech ri we Amaq’il ri’ (PGN); eri Secretaría rech Obras Sociales rech Rixoqil ri K’amal b’e Amaq’ e k’o e achalalil ke’uk’ul panoq rech ya’b’al ilonem chi ke ri’.

“Eri Ministerio rech Relaciones Exteriores are katob’anik ruk’ kalb’al k’u’x xuquje’ tajin ke’usik’ij ri xechap xetaq loq chi’ rech ketzijon panoq kuk’ ri kachalal keraqataj pa Estados Unidos xuquje’ ri keraqataj pa Iximulew ri’”, xcha’ ri Mena.

COMPARTIR