Xq’atataj ri b’anow kamisanik pa le keb’ ik’ rech pa junab’ ri’

186

Aretaq k’a xok che reqale’nib’al pa le Ministerio rech Gobernación, eri Ministro Enrique Antonio Degenhart Asturias, xuquje’ rumal k’ut xuya’ uchuq’ab’ upatanixik oxib’ uwach nimachak pa le ya’olchajinem chi ke winaqilal ri’, chi ke ri Wokajil Ajpoq’sal Meb’il ri’ eri rajilab’alil utzijolil b’anow k’ax are sib’alaj xqaj loq ri’ majunam ta ruk’ ri rech enero xuquje’ febrero rech ri 2017 xuquje’ 2018.

Eri rajilab’alil ri’ are kuk’utu che ri b’anow kamisanik che jujun taq 100 mil chi winaqilal are xqaj loq pa jun 4.2 pa 14.58 che jujun jo’k’alib’alil pa Febrero rech ri junab’ 2017.

Pa le b’anow kamisanik ri’ eri e ajchajil tinamit xkiya’ ub’ixik che pa enero xuquje’ febrero ri’ pa junab’ 2017 are xk’ulmataj pa 749 b’anow kamisanik ri’, emu wa’ pa 2018 are xk’ulmatajik 603, junam ruk’ kub’ij che xqaj loq pa 146 ri’.

Aretaq xb’antaj rajilaxik ri’ xb’itajik che pa 2017 eri b’anow k’ax ri’ are xk’ulmataj pa 897 ri’, man je’ ta ri’ pa 2018 aretaq xk’ulmatajik 638 ri xqaj loq pa 259 ri’.

K’i taq chik kamisan winaq b’anom ri’

Eri Wokajil Ajchajil Tinamit xuya’ ub’ixik che pa taq le lajuj junab’ xok’ow ri’ pa le keb’ ik’ ri’ pa le 2018 eri b’anow k’ax ri’ are xk’ulmataj pa 603 ri’ xuquje’ pa le 2009 are xk’ulmatajik 1,101 b’anow kamisanik ri’.

Pa taq enero xuquje’ febrero rech pa junab’ 2009 are xk’ulmatajik pa jun mil 306 ri’ en k’u ri’ pa le 2018 are xk’ulmatajik pa 638 junam ruk’ ri’ xqaj loq pa 668 ri’.

Eri ya’l utzijoxik loq ri’

Sib’alaj rajawaxik ri’ kaya’ ub’ixik ri’ che pa le b’elejeb’ junab’ ok’owinaq ri’ eri b’anow k’ax chi kuwach e achalalil ri’ are pa taq le keb’ nab’e ik’ rech pa junab’ ri’ are xopan pa 356 xuquje’ pa 235 ri’, we kamik are wa’ xok’ow ri’ ojer rumal k’ut pa taq le nab’e 59 q’ij rech ri 2018 eri b’anow k’ax are xopan pa 155 ri’.