Xraqataj 2,502 chi pajb’alil rech cocaína pa oxib’ q’ij ri’

730

K’o jun nimalaj q’atenik x’ban chi ke ri e ajk’ayin awan kunb’alil ri’ kumal ri’ ri Wokajil Ajchajil Tinamit (PNC) aretaq xeq’atexik e kajib’ taq jukub’ puwi’ ja’ ri’ chupam k’u ri’ xraqataj wi keb’ nima’q pajb’alil panik’aj rech cocaína xuquje’ chi’ xechap wi e lajuj chi winaqil kepe pa jalajoj taq tinamit ri’.

Eri ya’olchajinik ri’ are xb’an pa le 14 pa le 16 rech junio pa le Costaq rech ri Pacífico, eri ajno’jinelab’ antinarcóticos rech ri PNC k’o 2,502 chi pajb’al awan kunb’alil xkiraq k’ut.

Eri nab’e xraqik ri’ are pa le 14 rech junio chi’ k’u ri’ xechapataj wi ri jukub’ kib’i’ taq Victoria I xuquje’ ri Victoria III, chi’ k’u ri’ xraqataj wi 950 chi pajb’al awan kunb’alil ri rajil pa ronojel ri’ are Q97 millones 604 mil  662.00  xuquje’ e k’o 7 chi winaq xechap chi’.

Pa le ukab’ q’atenik xb’antaj ri’ pa le 15 rech Junio aretaq xq’atexik ri nima jukub’ ub’i’ Marib’el ruk’ 772 chi pajb’al rech cocaína ri’.

Pa k’isb’al rech eri ya’olchajinik ri’ are xaq pa nimaq’ab’ xb’antaj pa sábado 16 kanoq ri’, aretaq eri nima jukub’ ub’i’ Ri Tigre chupam xraqataj wi 26 k’olib’alil ruk’ 780 chi pajb’alil rech cocaína xuquje’ xb’antaj kowinem e oxib’ winaq xechap chi’ e winaq e aj iximulew ri e are ri’.

Pa le oxib’ ya’olchajinik ri’ xuquje’ k’o keb’ nima’q k’olib’alil panik’aj rech cocaína xraqatajik xuquje’ e k’o 10 chi winaqil pa jalajoj taq nimatinamit kepe wi, e k’o 6 e aj iximulew ri’, e k’o keb’ ecuatorianos, k’o jun colombiano xuquje’ k’o jun jun salvadoreño xechapataj ri’.

COMPARTIR