Xtzijob’exik ri chakum rumal ri ya’olchajinik chi ke wa’katel chi ke e ajtaqo’ninel che ri keraqataj pa Iximulew

140

Are rech reta’maxik le qas chak b’anom chik pa le uya’ik uchuq’ab’ ri ya’olchajinik chi ke wa’katel winaq pa amaq’ tinamit, are wari’ le taqim utzijob’exik pa le molinem xb’antaj rumal ri’ nab’e viceministro rech Gobernación, Camilo Rivera, ri q’atb’altzij rech DISETUR xuquje’ chi ke ri e ajtaqo’ninelab’ che ri keraqataj pa we amaq’ ri’, ub’i’ “K’amal ub’e Solowachinem rech Seguridad Turística 2018”.

Eri Rivera xuya’ ub’ixik che we kamik eri DISETUR ek’o 14 e molaj e ajtaqo’ninel chi’, are wa’ keraqataj che k’amow b’e pa ronojel we amaq’ tinamit ri’, ruk’ wari’ kaya’ kachuq’ab’ ri ya’olchajinik chi ke ri wa’katel winaq e aj chi’ kuk’ ri kepe naj ri’.

Pa le molin ib’ ri’ xya’taj wi’ utzijol ri Cholchak rech Upatanil ri DISETUR, pa rech wari’ are k’o jalajoj ilb’anik katajin ri’ rech q’atel b’anow k’ax, pa taq le ojer taq q’a’mja xuquje’ pa taq le k’olib’al rech kiwa’katib’al e wa’katel winaq pa Iximulew ri’.

Eri taqanel rech ri DISETUR, Erick Daniel Tórtola, xub’ij che rumal pa amaq’el ketatb’en ri winaq ri’ xuquje’ pa kachb’ilaxik ri eqa’lenelab’ are wa’ k’o jun utzalaj b’anow q’atel b’anow k’ax b’anom ri’ pa jun 29%.

“Eri Wokajil Ajchajil Tinamit are sib’alaj rajawaxik ri ya’olchajinik chi ke e wa’katel winaq e aj chi’ kuk’ ri naj keb’e wiri’ xuquje’ sib’alaj rajawaxik keta’maxik ri chak patan b’anom kumal ri eqa’lenelab’ ri’, rech ruk’ wa’ eri winaq kakub’ kik’u’x ri’ aretaq ke’opan pa taq le wa’katib’al pa we amaq’ ri’”, xcha’ ri Tórtola.

COMPARTIR