Xya’ pa k’utik ri cholchak kuya’ nim tob’anik chi ke ri ak’alab’ e k’o kuk’ kinan pache’ e tz’apil ri’

148

Rech b’a’ kanimaxik ri ya’talil pa usaqil chi ke ri ak’alab’ alab’om alitom ri e jaqal kuk’ kinan pache’ e tz’apil ri’, rech kakojik utzalaj taq ilonem chi ke aretaq k’o kopan kich’ab’exik kumal kitan pache’ e tz’apil wiri’, are ri’ tajin kutzukuj uwach jun B’anikil pa Wokajil kech ak’alab’ e k’o pache’ e tz’apilik ri’, are wa’ xya’taj pa k’utik rumal ri Q’atb’altzij rech ri Ministerio rech Gobernación, rumal ri Sistema Penitenciario xuquje’ rumal ri Colectivo Artesana ri’.  

Eri viceministro, Ricardo Guzmán, xuya’ ub’ixik ucholaj che are k’o upatan ri yab’al utz ilonem chi ke ri taq ak’alab’ ri’ keraqataj pa nim k’axk’olil ri’, xa’rumal e pa Iximulew ri’ e k’o jun 50% panik’ajil kuwach uwinaqil tinamit ri’ ri e ak’alab’ xuquje’ e alab’om alitom k’ak’al taq winaq ri’.

 “Pane’ b’a’ jun winaq k’o pa q’atoj tzij chi rij ri’ are k’ut ke’ula’wchij ke’utzuqu ri e ralk’uwal umi’al uk’ojol ri’ rumal ri’ tajin kakoj wa’ jun Ub’eyal Cholchal ri’ kuk’. Xb’antaj k’ut kowinem xkojik jun chokonsab’al ri’, are jun tijob’al chuq’ab’ rech kakoj kamik ri’” xcha’ le Guzmán.

Eri Carlos de León, k’amal b’e rech Sistema Penitenciario, xuya’ utzij rech xuk’am pa reqale’n kupatanij kuchakuj we jun ch’olb’al chak ri’ xuquje’ rumal ri’ xe’usik’ij k’i kuwach wokajil rech kikaj ke’ok pa le komonchak ri’.

Eri Andrea Barrios rech ri Colectivo Artesana xuya’ ub’ixik ucholaj ri jun k’ak’ B’anikilem ri’ rech kakojik ri chajib’al kech ak’alab’ chi rij chinaqaj panoq ri japache’ tz’apib’al ri’ rech kejaqab’ wi ri taq ak’alab’ ri’ xuquje’ rech k’o jun utzalaj b’anoj k’utb’al kaya’ chi ke kumal ri ixoqib’ e ajchajinel chi’, rech b’a’ kanimaxik kiloq’oxik kib’antajik ri’ aretaq ke’ok e yowab’ ixoqib’ ri’ xuquje’ rech kekoj ta pa k’axalaj chak patan ri’ rech kakiraq k’ax tane ri’.

COMPARTIR