Xya’ pa k’utik ri cholchak rech kub’an utz che ri q’atoj tzij chi ke k’ak’al winaq pa we amaq’ ri’

99

Rech b’a’ utz ub’anikil ri q’atoj tzij kab’an chi ke ri alab’om alitom chi’ pa we amaq’, are ri’ qas kuya’ pa saq ri q’alan b’anoj k’ax chi ke ri e tz’apil pache’ ri maja’ na 18 kijunab’ ri’, rumal ri’ are jun xk’oji pa le k’utb’alil ri’ ri viceministro rech Seguridad, Ricardo Guzmán ri’, pa le k’utb’al rech ri ub’eyal cholchak pa komon wokajil rech kakojik pa Uwokajil ri Q’atoj Tzij chi ke ri K’ak’al winaq pa we Amaq’ ri’.

Eri molinem ri’ are xb’anik pa le Ministerio Público xuquje’ e k’o k’i k’amal b’e rech Organismo Judicial, rech ri Instituto rech ri Defensa Pública, rech ri Procuraduría rech Ya’talil winaqil, rech ri Secretaria rech Bienestar Social rech ri Presidencia xuquje’ rech ri Instituto Italo-Latino Americano xek’oji chi’.

Pa taq le ilonem kab’an ri’ are kakojik ilb’alil pa aninaqil wexa’ k’o k’ax kak’ulmataj ri’ rech kek’am b’ik pa q’atb’altzij ri alab’om alitom ri k’o k’ax kakib’ano, rech kaya’ uchuq’ab’ ri wokajil q’axanel rech Ajchajil Tinamit xuquje’ rech kawok uwach jun ub’eyal kakojik pa komon wokajilal pa le rulewal Centroamericana ri’ je ri’ xuya’ ub’ixik.

Eta’mim chik eri b’anoj k’ax kumal ri maras kuk’ ri pandillas pa we amaq’ e k’o ri’ ak’alab’ e tz’apilik ri rajawaxik ke’ilik kechomaxik ri’ xcha’.

Are jun tob’anik ri’ kaya’tajik rech kanajtib’ taj ri q’atoj tzij ri’ rumal ri’ k’o chik jun no’jinik rech kakojik jun cholchak ri’ ya’tal utzijob’exik, rech ub’anikilem pa ukemamtzij rech pa ucholajsaxik ri’, kcha’ pa le ub’ixik ri’.

Xuquje’ pa le k’utb’al rech wa’ xya’ ub’ixik che k’o kajib’ retal uwach tijob’enik kab’an ri’, rech ke’usuk’umaj kib’antajik ri ala ali e k’o pa jumulaj b’anol k’ax ri’ rech man kakisuk’umaj kib’ xuquje’ tajin rilik rech kakojik jun uwachwuj kemamtzij ri’ pa junamil ri’.

Xkiya’ ub’ixik ri e ajno’jinelab’ che ronojel ri cholchak k’o jun ub’eyal utaqim uwach panoq rech e k’i taq ak’alab’ kuk’ ri alab’om alitom kub’an utzil chi ke rech ke’usuk’aj, ri kib’anom k’ax chi’ pa Iximulew, pa Honduras xuquje El Salvador xuquje’ eri winaq tinamit e jaqal pa taq ri tinamit naj e are jun pa le cholchak ri’, e are ketob’anik pa ub’anikil ya’olchajinik ri’ rech kaq’atexik juntir ri b’anoj k’ax kumal ri k’ak’al winaq ri’.

Nota: Carlos Hernández

Fotografías: Roberto López

Swiffy Output
COMPARTIR