Xya’ pa k’utem ri k’isb’al xchomaxik rech xb’an utz che ri Uwach ri Ub’eyal Ciberya’olchajinik pa Tinamit ri’

124

Aretaq xok’ow keb’ q’ij rech xwok uwach, rech k’o xtik che, rech xtzijoxik, rech xchomaxik pa junamil ri’ xuquje’ rech ub’anik utz chech ri uk’isb’al uchomaxik ri’ pa le Wokaj Chomanem rech Uchakuxik ri’, rech ub’anik utz chech ri wachib’al uwach ri Ub’eyal Chomanik pa Tinamit rech Ciberya’olchajinik ri’ rumal ri’ eri Viceministro rech No’jb’anikil Tzijolil xuquje’ Tzijob’enik ri’ Gabriel Juárez xub’ij che ri are sib’alaj ki’kotem che rumal kurilo che ronojel kik’u’x kanima’ xetatb’en chi’ ri k’amal b’e rech ronojel taq pa kiwokajil ri winaqilal ri’.

Chuxo’l ri jujun ta uwach ri xchomaxik pa uk’isb’alil ri’ che ri jeri’ xilotajik kumal ri Comité Ejecutivo rech ri Uk’iyemal ri jun pa Ub’eyal pa tinamit ri Ciberya’olchajinik ri’, e k’o ri pa uya’talil ri k’uttijonem ri xaq katajin ri’ le chi rij ri’ kab’an ri’ katajin ri ciberya’olchajinik ri’, pa le uwokajil ri pwaqilem ri’ are katerenb’exik che kek’oji ri’ jun taqo’ninel rech kuchomaj uwach uq’atexik ri b’anow taq k’ax che ri tajin kak’ulmataj chi’.

Xuquje’ xuya’ pa una’tixik che chuxo’l taq ri k’isb’al uwach taq xchomaxik ri’ are rech ya’b’al uchuq’ab’ ri tzijob’en ib’ chi rij ri ub’anikil tzijolil rech tzijob’enik ri’ chi kuwach taq we amaq’ib’ nimatinamit ri’ rech pa komon b’a’ kechakun chi rij ri’.

Eri jujun chik ri xoqxa’nix upixb’axik rij ri’ pa le ya’b’al uchuq’ab’ ri jun uwach wujil ri’ are kuq’alajisaj che k’o b’anikil taq xkoj chech ri’ ri kuya’o uchuq’ab’ reta’mab’alil ri no’jb’anikil rech tzijob’en ib’ ri’, rech kuwa’lijsaj uwach taq chakunem ri’, are karaj b’a’ jun k’ak’ ub’anikil taqanem pa we Taqawokaj pa Amaq’ ri’ ruk’ ub’eyal no’jinik chi ke ri winaqilal ri’, pa le Ub’antajil Uq’ataj Tzij ri’ rech kab’ix k’ut che ri b’anow k’ax ri’ k’o tojb’al mak chi rij ri’ xuquje’ eri ya’b’al uchuq’ab’ uwach taq uq’atow tzij chi rij xuquje’ rech ya’tal pa chajinem ri’, xuquje’ rech ukojik ri ub’anikil rajilab’alil chi rij chi’ jacha’ ri chomatal chi rij ri ciberb’anow k’ax ri’.

Rajawaxik k’ut kakoj retab’al b’anow ri’ rech kanimax ukojik ri ya’olchajinik pa taq uwachwujil pa kemamtzij rech ketaxik we utz ukojik ri chomam chupam ri’, jeri’ ri kolib’al rech k’amel ub’e tz’ib’am ri’ ri kuya’o ub’ixik uwach taq ri tzijob’enik xuquje’ ri q’ij rech kanajtib’ ri’.

Xuquje’ kawok ub’eyal rech yab’al uno’jixik pa saq ri’ xuquje’ rech kak’uttijob’exik uwach ri wokajil ub’anikil q’atow tzij, eri taqawokaj chi’ xuquje’ ri winaq tinamit chi rij taq ub’anikil ri TIC’s xuquje’ rech kakojik ri taqanik rech Kuchb’al uwach taq Tzijol ri’.

Are wa’ xpixb’axik kakoj pa taq le b’anikil chomanik rech chuwe’q kab’ij ri’ chi ke ri patanel e ajtaqo’n rech ri Ministerio Público xuquje’ che ri Organismo Judicial ri’.

Pa k’isb’al rech eri Viceministro xub’ij che ri qas nim kupatanij ri k’uttijonem ri’ are xemol konojel ri’ rech katerenb’ex uya’ik uchuq’ab’ ri b’anow tzijob’enik ri’ pa we komon uwokajil ri ciberya’olchajinik ri’.

“We ub’anikil ilb’anik ri’ are kupatanij rech kemol konojel ri wokajil winaqilal ri’ xuquje’ are xupatanij rech kaqilo che rajawaxik pa komon kujchakunik ri’ xuquje’ rech kub’an ta ki’eb ri b’anow chakunem ri’ xuquje’ rech kaqato’ qib’ qonojel pa le uya’ik utzilem pa le komon ri’”, xcha’ ri Viceministro.

Rech xuk’is ub’ixik ri’ xub’ij eri jun chik uwach chak ri’ are kab’an ri’ pa le ik’ septiembre chi’ k’u ri’ karaqataj ri’ jun utzalaj b’anikil rech kaya’ pa utzijoxik ri ub’eyal chomanik ri’ rech kana’tix pa jumul chik pa uk’isb’alil ri’ xuquje’ rech k’o jujun taq tzij kat’iq chi uchi’ ri’ xuquje’ rech pa k’isb’al ik’ noviembre kamajtaj ukojik ri’ ri Ub’eyal Chomanik pa Tinamit ri Ciberya’olchajinik ri’ pa komonb’al ruk’ ri Chomab’al Tinamit rech Jaqatil Uwach Tzijol ri’.

COMPARTIR