Xya’ pa k’utem uwokik uwach ri Tz’aqatil Chomab’al kech Ak’alab’ xuquje’ Alab’om alitom ri’

147

Eri Comisión rech Desarrollo Social rech ri Consejo Nacional rech Desarrollo Urbano xuquje’ Rural (CONADUR) xub’an ri ukab’ molin ib’ rech chak patan chi rij rilik retaxik ri b’anow b’iw cholchak rech ri Tz’aqatil Chomab’al chi ke Ak’alab’ xuquje’ Alab’om Alitom ri’.
are wa’ ri ukab’ molin ib’ rech ri Comisión rech Desarrollo Social jacha’ ri k’ak’ uwach nuk’wokaj rech b’anow chak rech ri CONADUR ri’, ri k’amatil ub’e rumal ri Viceministro rech Q’atel B’anow K’ax ri’, Axel Romero.

Eri Viceministro Romero xuya’ ub’ixik che xuya’ pa k’utem ri jun ub’ixikil rech ri chak b’anom chik chi rij ub’anikil ri k’ak’ Tz’aqatil Chomab’al chi ke Ak’alab’ xuquje’ Alab’om Alitom rumal k’ut pa keb’ junab’ kanoq katajin ukojik ri’ are wa’ jun chakub’al rech kito’ik ri taq ak’alab’ ri’.

“K’o jun nim chak b’anom ri’ pa le uyakik ri chomab’al b’anom ri’, are wa’ pa komon xb’an ruk’ ri Consejo Nacional rech Atención chi ke taq Ak’alab’ xuquje’ Alab’om Alitom ri’ (CNNA) ruk’ jun k’i uwach taq k’uttijonem kuk’ taq ri ajno’jinelab’ ri’, kuk’ taq ri wokajil rech pa amaq’ ri’ xuquje’ ri komon winaqilal ri’, chi’ k’u ri’ xojkowin che uch’ob’ik jas le ub’anikil ri k’axk’olil tajin kakik’ulmaj ri ak’alab’ xuquje’ ri alab’om alitom pa we amaq’ ri’”, xcha’ ri Romero.

Rech katerenb’exik we jun ub’inisax uwach ri’ rumal ri’ xkojik jun molaj e ajchakunel rech kakiwok uwach we jun wujil ri’ rech kakijach uwach pa le ik’ rech noviembre pa le k’isb’al molin ib’ pa le junab’ rumal ri’ CONADUR ri’.

“Are kajawaxik jacha’ ruk’ri cholb’al chak b’eyal ri’ rech kajach ri’ pa noviembre ri k’isb’al uwach wujil ri’ xuquje’ rech katz’ib’axik ri utaqik rech kakoj ri’ pa we amaq’ ri ub’anikil ri’”, xcha’ ri Romero.

COMPARTIR