Xya’ pa k’utik ri pwaqil rech tojb’al chak pa taqawokajilal pa 2018

270

Pa le Nim Rachochib’al pa Uk’u’x Nimatinamit ri’ xya’ wi pa k’utik pa Jaqatil Taqawokaj ri pwaqil rech tojb’al kichak patan ri wokajil kakoj pa le 2018 xuquje’ ri cholchak rech kakoj pa jo’ob’ junab’ ri’.

Eri taqawokaj ri’ are xk’am ub’e rumal le Nima K’amal b’e Jimmy Morales, achb’ilam rumal ri Viceministro rech Ya’olchajinik, Ricardo Guzmán, ri Ministro rech Finanzas Públicas Julio Héctor Estrada, jeri’ ri taqawokajnel rech taq ri taqawokajil rech ri Wokom Patanelab’ pa Amaq’ ri’.

Eri pa uwokajil ri pwaqil rech tojb’al chak ri’ are kuq’alajisaj ri cholchak ruk’ ri cholb’al chak kuk’utu ri pwaqilem rech kakoj pa le ub’eyal cholchak ri are jo’ob’ pa junab’ ri’, chi rij ri’ le K’iyemal Winaqilal ri’, ri Ya’olchajinik ruk’ Suk’umalil ri’, ch rij ri Ub’anikil Puwaqilem ruk’ ri K’iyemal ri’.

Eri ropanb’al puwaqilem pa ronojel ri’ rech kakoj pa le 2018 ri are ri’ Q87 mil 672 millones ri’, chi’ k’u ri’ ri Ministerio rech Gobernación ya’talil upwaqil ri’ pa le Q5 mil 476 millones ri’.

Pa we junab’ ri’ eri taqawokajnem rech ya’olchajinik pa amaq’ ri’ ya’tal ri’ che Q 5 mil 456 millones upwaqil rech tojb’al uchak patan ri’.

Eri nima k’amal b’e Morales, xuya’ ub’ixik che pa kijujunal ri taqawokajnel ri’ are qas kakilo ri cholchak kakikoj wi ri pwaqilem ri’ rech k’o jun utzalaj kakib’an chech ri’.

COMPARTIR