Xya’taj ub’ixik che kesuk’umax na e jok’al chi ch’ich’ rech ri PNC

142

Rumal ri b’anoj k’ax katajin chi’ pa nimatinamit xuquje’ pa taq uq’ab’tinamit rech Nimatinamit Iximulew ri’, eri ministro rech Gobernación, Francisco Rivas Lara, xuya’ ub’ixik katajin kasuk’umaxik e jok’al chi ch’ich’ rech ri Wokajil Ajchajil Tinamit (PNC), pa le q’ij ri’ petinaq are chi’ kaya’ik uchuq’ob’il uchak patan ri ajchajil tinamit ri’, rech q’atenik b’anoj k’ax pa taq qajib’al k’axk’olil ri’.

 “Eri ya’olchajinik kumal ri ajchajil tinamit ri’ are qastzij kamatil uq’ab’il pa le Ministerio rech Gobernación, xa’rumal e k’o chik panik’aj chi ke ri ch’ich’ rech chajinem ri’, junam kuk’ ri jun 1 mil 700 chi ch’ich’ rech chajinik, ri e tak’ab’em kanoq rumal ma e utz taj, man k’ot kakojik rech kesuk’umaxik, man k’ot kiq’aq’ob’irsab’al ri’, man k’ot kaqan ri’ rumal ri’ xtoq’axik rech kesuk’umaxik jujun chi ke ri’”, xcha’ ri Rivas Lara.

Eri Taqawokajnel rech Ya’olchajinik pa Amaq’ ri’ xuya’ ub’ixik che are wa’ xya’taj pa ub’eyal tojb’al chakunem ri’ rech kaya’taj urajilal ri’ rech kesuk’umaxik juntir ri’ xuquje’ rech kasuk’umaxik ri q’axb’al tab’al jachtzij chupam ri’ rech kejachik chi la’ ri qas kak’ulmataj wi b’anoj k’ax ri’, kojpa’ pa taq ri zona 18 xuquje’ pa zona 6 rech pa nimatinamit ri’, pa Escuintla, pa Jalapa, pa Chimaltenango, pa Chiquimula xuquje’ pa Xe’laju’ ri’. 

Kil na k’ut jas che q’atatal ri yab’al tzijol ri’
Eri Ministro rech Gobernación, xuquje’ xuya’ utzijol che k’o nik’aj chik uwachtzijonem kachomaxik ri’ rech kaya’ uchuq’ob’il upatan ri wokajil ajchajil tinamit ri’, are ri’ pa q’axb’alil ilob’al uwachwuj ri’, rech pa aninaqil kaq’axaxik ri tzijob’elil pa le q’axal chakub’al ri’, ri maja’ na kakojik pa le Comisaría pa we amaq’ ri’.

K’o molinem chomanik kb’an kuk’ ri wokajil rech q’axal ch’a’wb’alil ri’
Aretaq xta che chi rij ri q’atib’al q’axb’al retal uk’ch’a’wb’alil pa wokajil japache’ tz’apib’al ri’, eri Rivas Lara, xub’ij che katajin rilik we utz we man utz ri chakub’al k’o chi’ rech kilik kachomaxik uq’atexik retalil ri q’axal chakub’al ri’ chi’.

Nota: Carlos Hernández.
Fotografías: Tatiana Valenzuela.

COMPARTIR