Xya’taj jun k’uttijonik rech uq’atexik b’anow k’ax chi ke taq ak’alab’ ri’ jeri’ pa uwachwujil WEB

115

Eri Wokajil Jachakunb’alil rech ri Naciones Unidas rech Q’atenik tijow Awan Kunb’alil ri’ xuquje’ rech uq’atexik b’anow k’ax ri’ rumal ri’ xwokik ri Taller regional ub’i’ “Qamolij qib’ che kito’ik ri taq ak’alab’ pa le TIC ri’” rech keqak’uttijob’ej ri k’amal b’e rech pa uwokajil q’atb’altzij ri’, chi rij uq’atexik ri b’anow k’ax chi ke pa taq uwachwujilal che ri tajin kuya’o k’ax chi ke ri taq ak’alab’ ri’.

Pa le k’uttijonik ri’ xetatb’enik e 20 eqa’lenelab’ rech ri Unidad contra ri Cibercrimen rech ri Subdirección General rech Investigación Criminal (SGIC) rech ri Wokajil Ajchajil Tinamit ri’ (PNC) kuk’ taq le k’amal b’e tinamit rech Centro América, rech República Dominicana xuquje’ rech Belice, ri e are ri’ ya’talil pa kiq’ab’ rech kakikowij uchuq’ab’ ri eta’mab’alil ri’ xuquje’ ri kekowin che ub’anik ri ajtzukunelab’ rech kakiraqo ri b’anow k’ax tajin kemin wi ri taq ak’alab’ pa le Web’ ri’, pa le uraqik ri ciberb’anol taq k’ax ri’ xuquje’ pa le uterenb’exik ub’eyalil ri’ k’a kab’antaj kowinem kechap ri ajb’anol k’ax chi rij we k’ax ri’.

Eri K’uttijonem pa Rulewal taq Tinamit kimolom kib’ ri’ rumal uto’ik ri alaj taq ak’alab’ che ri k’o ya’olchajinik chi ke pa taq uwach ri No’jb’anem wujilal rech ri q’axaltzij ri’ xuquje’ pa le tzijob’en ib’ ri’ ri k’o oxib’ q’ij kanajtib’ ri’ ruk’ kitatb’enik ri e ajno’jinelab’ rech Estados Unidos Unidos xuquje’ Canadá ri’.

Pa le k’uttijonem ri’ xtatb’enik le Viceministro rech Tecnología rech ri Q’axaltzijol ri’ xuquje’ rech ri Tzijob’en ib’ ri’, Gabriel Juárez Lucas, ri xuya’ ub’ixik ucholaj che k’a pa le Ukaj Viceministerio ri’ k’o k’i  ub’eyal chakub’al kakojik rech keto’ik ri taq ak’alab’ kuk’ ri alab’om alitom ri’ jacha’ ri ukojik ri Ub’eyal Ya’ochajinik pa Tinamit rech Ciberya’olchajinik ri’, rech kakojik ri Ub’anikil Chomab’al pa Tinamtmi rech Jaqatil uwach taq Tzijolil ri’, rumal ri’ xuya’ ub’ixik ri’ che pa le talle regional ri’ katajin wi uya’ik uchuq’ab’ ri ukowonib’al uchak patan rech ri taqawokaj ri’ pa Iximulew ri’ rech kaq’atexik ub’anik k’ax che ri sib’alaj ketajin kakik’ulmaj ri taq ak’alab’ ri’.

Eri Stu Velasco Subdirector rech Investigación Criminal, rech ri PNC xuya’ ub’ixik che k’o b’a’ ri Unidad rech q’atenik ri Ciberb’anow k’ax ri’ rech ri PNC, are wokotal uwach kumal e 25 ajno’jinelab’ ri’ rech kakiterenb’ej uq’atexik b’anow k’ax chi ke winaq ri’, jacha’ ri pornografía infantil xuquje’ ruk’ nik’aj chik k’ax chi ke ri ak’alab’ pa le uwachwuj pa kemamtzij ri’.

“We jun Wokajil Jachakunb’al ri’ are tajin che uterenb’exik pa le k’isb’al taq junab’ ri’, we jun k’uttijonik chi ke eqa’lenelab’ rech ri Investigación Criminal ri’ rech ri PNC rumal k’ut k’o chik keta’mam chi rij ri cibercrimen xuquje’ are wa’ kakiya’o pa uq’ijol juntir ri k’ak’ taq b’anikil chi rij ri’ rech uq’atexik ri b’anow taq k’ax che ri kilotaj ri’”.

We kamik ri’ pa le Wokajil Jachakunb’al rech uq’atexik ri Cibercrimen katajin k’ut tzukunik chi rij 35 uwach b’anow k’ax che ri xya’taj ub’ixik kumal ri winaq tinamit ri’ xuquje’ k’o 45 chi ke ri’ are xch’ob’otaj rilik uchomaxik kumal ri e ajno’jinelab’ rech ri wokajil ajchajil tinamit ri’ xuquje’ ketajin che uterenb’exik rij ri’. E k’o k’ut 7 chi molaj b’anol k’ax xechapataj ri’, chi ke k’o jun nan ri’ pa uch’a’wb’alil k’o itzelal k’utb’al chupam ri’ rech itzelal utaqom wiri’ ri alaj rala li ri’, are ri’ xesax pa k’ax ri’ xuquje’ xjach pa uq’ab’ ri PGN ri’, wa’ rumal uchak patan banom rumal investigación criminal rech ri PNC ri’.

COMPARTIR