Xya’taj keqale’nib’al ri e ajtijoxel rech Q’atel k’a pa Tijob’al ri’

233

Ketajin chuxe’ jun b’iw nimtzij ri’ “Ruk’ Nimab’alil kaqab’ij maj che ri B’anow k’ax ri’” jeri’ tajin kakib’ij taq ak’alab’ rech taq jalajoj taq tijob’al aretaq xya’taj keqale’nib’al rech xe’ok pa le wokajil e ajtijoxel rech kechajin pa taq tijob’al ri’, kumal ri’ ajtaqo’n rech ri Subdirección General rech Q’atel b’anow k’ax rech ri uq’ab’il ri Wokajil Ajchajil Tinamit (SGPD-PNC), are rech kak’oji ri joremal ruk’ maj b’anow k’ax ri’.

Eri ya’ol eqale’n ri’ are xmajtaj pa le Barrio Santa Ana, rech ri tinamit ech San Juan Chalmelco, Alta Verapaz, chi’ k’u ri’ xetatb’en wi e jo’ob’ chi eqa’lenelab’ rech ajchajil tinamit rech xkiya’o keqale’nib’al e 12 chi taq ak’alab’ e alab’om kuk’ taq ali chi’, ri xejipixik pa le ya’olchajinik rech q’atel k’ax chi’.

Xuquje’ e k’o 20 chi taq alab’om kuk’ taq alitom ri’ xkiya’ keqale’n ri’ rech xkik’ut chi kuwach ri kachi’l jas uq’atexik ri b’anow k’ax kab’an chi’, are wa’ xb’antaj pa le Tijob’al Manuel Ramírez Hercules, rech ri Barrio San Luis, pa tinamit rech San Juan Chalmelco.

Xuquje’ eri eqa’lenel e ajchajil tinamit rech q’atel b’anow k’ax ri’, k’o keqale’n e 8 chi taq ak’alab’ chi’ xkiya’ ri’ pa le Tijob’al rech ri Aldea Chichaic Cobán Alta Verapaz, rech ruk’ wa’ xechomanik kuk’ ri winaqil chi’ rech maj b’anow k’ax chi kuwach ri’.

Eri q’atb’altzij rech q’atel k’ax xkiya’ k’ut ub’ixik che katajin uq’atexik b’anow k’ax chi’ k’a pa taq ri tijob’al k’a pa taq achochib’al chi kuwach ri e achalal ri’ xuquje’ chi rij panoq ri’ are rech pa joremal, pa maj b’anow k’ax kek’asleman chi’.