Xya’taj keqale’nib’al ri Komontaqom winaqil rech q’atel k’ax pa Patzún

213

E k’o 95 winaq e ajk’ulja rech taq komon winaqil xuquje’ rech pa taq juyub’ rech ri tinamit rech Patzún, xya’taj keqale’nib’al rech xe’ok che patanel pa le Komontaqom rech Q’atel b’anow k’ax e are ri’ xe’oksax rumal ri Viceministro Axel Romero.

Eri Romero xub’ij che we nik’aj Komontaqom ri’ are wa’ jun b’anikil rech ya’olchajinik winaqil, chi’ k’u ri’ kesik’ix wi ri uwinaqil ri komon ri’ rech e are jun ke’ok pa le uq’atexik ri b’anow k’ax ri’ xuquje’ rech man xaq ta ri’ kakilo uchuq’ab’ ri k’ax ri’ xane’ are rech kakilo jas che jewa’ tajin uk’ulmatajik ri’.

Rumal ri’ xb’an jun chomanik chi rij ri’ rech kata’ik che ri ajkalte rech Patzún rech kuya’o kawok uwach ri ukomontaqom chi’ pa tinamit ri’. Te k’u ri’ chik xya’taj utzijoxik ri k’uttijonem rumal ri Sub Dirección rech Q’atel b’anow k’ax kumal ri e ajchajil tinamit ri’.

Te k’u ri’ xq’ax pa rilik pa tinamit xuquje’ pa le jun b’anow chomab’al rech q’atenik ri chak kumal taq ri komontaqom winaqilal ri’.

“Eri uj kojtajin che uchakuxik ruk’ ronojel pa taq le tinamit ri’ xuquje’ we chanim kojtajin chik che uwokik uwach ri’ pa taq 160 chi tinamit pa ronojel we amaq’ ri’ xuquje’ are wa’ eri uj kojtajin che reyexik che are kaqakoj wa’ pa taq le 340 tinamit ri’ aretaq kak’is uwach ri utaqanib’al ri k’amal b’e amaq’ Jimmy Morales xuquje’ are wa’ jun b’anow taqanik xya’taj wa’ che ri Ministerio rech Gobernación ri’”, xcha’ ri Viceministro.

Eri Romero xub’ij che pa Chimaltenango ri’ are wa’ pa nab’e tinamit ri’ tajin wi kikojik komontaqom wiri’ xuquje’ junam ukojik ri komontaqom pa q’atb’altzij ri’.

Are rech kak’is ub’ixik ri’ “Eri uj kaqaj k’ut man kab’an ta chik ri’ jacha’ ri xb’an pa taq le q’ij xok’ow kanoq jacha’ taq ri uwa’katexik ya’olchajinik chi ke winaqil ri’ xa’rumal k’ut are wa’ ke’uya’o ri winaq tinamit pa k’ax ri’ xuquje’ man kichak kipatan ta ri winaq rech kakib’an wari’ xuquje’ rumal ruk’ wa’ man k’ot nimab’al che ri ya’talil chi ke ri winaqil ri’”.

COMPARTIR