Xya’taj pa k’utem kicholchak ri “E ajtaqo’n Unimaxik Amaq’”

81

Ruk’ wa’ jun b’anow k’utem are rech kekoj pa komon nimanik ri alab’om alitom pa amaq’ ri’, rumal ri’ k’amal b’e ri urxo viceministerio rech Q’atel B’anow K’ax xuya’ pa k’utik ri cholchak ub’i’ “Embajadores Cívicos”, ruk’ wa’ xkikoj pa komon nimanem ri 110 chi alab’om alitom pa we cholchak patan ri’ rech ketob’anik uq’atexik b’anow k’ax ri’ xuquje’ rech katoq’axik kakiya’o kanimab’al pa le Nim komon pa Tinamit rech Nimanem pa Amaq’ ri’.

Eri e Ajtaqo’n rech Nimanem pa Amaq’ ri’ xetijox ri’ chi rij taq jalajoj uwach tzij ri’, rech te k’u ri’ xkikoj pa chakunik ri xketa’maj ri’ xuquje’ rech xkik’iso ub’anik pa taq kik’olib’al winaq pa tinamit ri’.

Eri q’atb’altzij rech ri Q’atel k’ax ri’ k’o pa reqale’n ri Axel Romero ri’ are tajin kakeye’j che pa jun cholchak kakitz’ib’aj kib’ ri’ e 8 mil 938 chi alab’om alitom rech pa we amaq’ ri’, rech e are jun pa le Komon chomanelab’ pa tinamit ri’ xuquje’ are rech ketob’an pa le ujipixik ri tzijob’enik rech q’atel b’anow k’ax ri’.

Eri alab’om alitom kek’oji kajib’ kajb’al pa we jun q’ij pa b’elejeb’ ik’ pa nimanem pa amaq’il ri’. We jun cholchak are kamajtaj ri’ pa le 15 rech enero rech 2018 ri’, are chi’ kesik’ixik pa le nimanem amaq’ ri’.

Eri rajil we jun cholchak ri’ are ri’ Q782, 470, are jachatal pa tojb’al uwach pa taq  Q700, 700; rech kakoj pa taq chokonsb’al chakub’al ri’ pa Q81, 770 xuquje’ are wa’ tojom rumal ri’ urxo viceministerio rech Q’atel b’anow k’ax ri’.

Eri cholchak ri’ xya’taj pa taqik ri’ pa le uro riqb’al ib’ chomanik rumal ri Junta Nacional  rech ri Servicio Cívico, k’amatil ub’e rumal ri Viceministro rech Prevención Axel Romero xuquje’ kachakux uwach rumal ri Ministerio rech Tijonem ri’.

COMPARTIR