Xy’ataj pa k’utem ri K’ak’ Ub’eyal Q’atel B’anow K’ax ri’

259

Eri Urox Viceministro rech Gobernación, Axel Romero, xuya’ pa k’utem ri K’ak’ Ub’eyal B’anikil rech Q’atel B’anow K’ax, ruk’ wa’ are kataqixik rech uq’atexik b’anow k’ax ri’ chi ke ri winaqilal ri’, jeri’ chi ke taq molaj winaqil jacha’ tane’ ri ak’alab’, ri q’apojil xuquje’ chi ke ixoqib’ ri’.

Eri ub’antajil le jun K’ak’ b’anikil ri’ are chomam chik rech kakoj taq taq le 28 chi wokajil pa amaq’ pa juntir, are wa’ kamik kapatanixik xuquje’ kasach ri upwaqil rch tojb’al chak patan rech q’atel b’anow k’ax ri’, ruk’ wari’ are katunik uwach uya’ik uchuq’ab’ ri chak ri’ rech uq’atexik b’anow k’ax pa we amaq’ ri’ xuquje’ rech maj ub’anik keb’ uwach chak ri’.

Xuquje’ are uk’am uwokik uwach rech kakoj pa le wokajil jachakunb’al terenb’al xuquje’ retaxik upatan ri b’anow q’atel k’ax ri’, rech kak’am ub’e ri pwaqil rech tojb’al chak ri’ xuquje’ rech qas kab’an ukojik ri chak patan pa taq wokajil ri’, jeri’ pa le upatanixik ri cholchak rech ya’ol ilonem chi ke ri jachakunb’al che ri k’o winaq kechajix wiri’, jeri’ pa taq tijob’al xuquje’ pa taq tinamit winaqil ri’.

“Kojtajin k’ut che rilik jawchi’ kek’oji wiri’ ri alab’om alitom rech ya’talil chi ke kakitijoj kib’, rech kakik’is katijb’exik ri’, rech ke’ok pa chak patan ri’ xuquje’ rech ya’tal chi ke rech utz ukojik kiq’ij kakib’an ri’, pa taq le k’olib’al rech chak patan ri’, jeri’ pa taq le k’olib’em rech ri Taqawokaj pa Amaq’ xuquje’ rech kakoj ri chakub’al che ri k’o pa taq wokajilal ri’”.

Eri Miguel Ángel Moir, rech ri Secretaría rech Planificación xuquje’ rech Programación rech ri Presidencia, SEGEPLAN, xuya’ ub’ixik che we jun K’ak’ B’anikil ri’ are wa’ uwach ri chak patan k’amom uq’ab’il pa le Taqawokaj pa Amaq’ ri’ rech k’o utzilem ya’tal chi ke ri winaqilal ri’, are wa’ jun nimachak che ri katajin ub’anik pa le Ministerio rech Gobernación.

“Are wa’ jun ub’eyal k’amal ub’e chak rech q’atel b’anow k’ax ri’, rech uq’atexik pa uk’amalil ri’”, xcha’ ri Moir.