Eri Ministro rech Gobernación, Enrique Antonio Degenhart Asturias, xuya’ kitzij keqale’n ri comisarios generales Rony Mauricio Espinoza, rech xukoj che K’amal b’e rech ri Wokajil Ajchajil Tinamit (PNC), xuquje’ a Carlos Roberto Tohom Escobar, rech xok che Subdirector General rech Ya’olchajinik pa le Wokajil Ajchajil Tinamit ri’.

“Eri e are ri’ e keb’ chi ajtaqanel pa le chak patan ri’, rumal ri’ kub’inaq nuk’u’x chi ke rech kakib’an jun utzalaj chak patan pa le ub’eyal ya’olchajinik winaqilal ri’”, xcha’ ri Degenhart Asturias.

Eri kakojik ri’ are xub’an pa le molinem rech chak chomanik ri’ ri xtatb’en wi ri taqawokajnel rech ri Ya’olchajinik pa Amaq’ ri’ kuk’ ri k’amal b’e rech ri wokajil ajchajinelab’ ri’, rech xkichomaj uwach le ub’eyal rech ya’olchajinik pa tinamit ri’.

“Xujk’oji pa le molinem ri’ are k’o nim upatan pa le b’anow komonchak ruk’ ri Dirección General rech Inteligencia Civil xuquje’ ri q’atb’altzij rech k’amal b’e ri’. eri uk’amik uq’ab’il le chak patn ri’ kuk’ konojel taq ri wokajil rech ri Ministerio rech Gobernación ri’ are ri’ b’enaq rokik pa le ub’eyal jacha’ ri chomatal ri’ xuquje’ are wa’ kub’inaq nuk’u’x che pa aninaqil ri’ k’o utzalaj chak kub’an ri’ pa le komonchak ri’”, xcha’ ri Taqawokajnel ri’.

Eri Rony Mauricio Espinoza ri karaqataj pa le k’ak’ uchak reqale’n ri’ che Subdirector General rech taq Ya’olchajinik, ri are xoksax che reqale’nib’al ri’ rech xok pa uk’exel ri Erwin Mayen Véliz xuquje’ ri Tohom Escobar pa uk’exel ri Espinoza ri’.