Xya’taj reqale’n ri k’ak’ K’amal b’e rech ri INACIF rech pa le uq’ijol 2017 – 2022

192

Pa Kopanib’al e ajch’ab’inel pa le Nimrachoch ri Organismo Judicial, xjuch’ jun wujil rech xkoj che reqale’n ri k’ak’ K’amal b’e rech ri Instituto Nacional rech Ciencias Forenses (INACIF), Fanuel Macbanai García Morales.

Eri K’amal b’e rech ri Consejo Directivo, Nery Medina, qas xya’ ub’ixik che ri k’ak’ K’amal b’e rech ri INACIF rech kub’an b’a’ jun utzalaj uchak patan ri’ ruk’ ri q’atb’altzij ri’, pa le wokajil che kuk’am b’e ri’ xuquje’ pa le uchak patan kuk’ ri winaq tinamit e aj iximulew ri’.

Rumal ri’ eri Fanuel García Morales xuya’ utzij rech kub’an utz che ri uchak patan jacha’ kataqan wi ri Taqanawuj che pa Amaq’ ri’. Xuquje’ xuya’ ub’ixik che ri rayib’al are kuya’ jun nim kub’sib’al k’u’x che ri Wokajil ri’, pa uq’atik uwach uk’aslemal ri’ xuquje’ rech kanimax kiloq’oxik ri winaq che kiraqom k’ax ri’.

“K’o jun nimtijob’al chuq’ab’ b’anow chak chuwach ri’ rumal k’ut xuk’am ub’eyal ri INACIF ri’ xaq ruk’ jun 8 por ciento uchak upatanik pa taq le uq’ab’tinamit pa we amaq’ xuquje’ qast e k’i rajchak ri’, man junam ta ri’ ruk’ le k’i taq chomanik ke’ok pa uchomaxik pa le taqawokajil ri’, xcha’ ri García Morales.

Eri ucha’ik xb’an ri k’ak’ K’amal b’e rech ri INACIF we kamik ri’ aretaq xb’antajik ruk’ k’i uwach taq chakunik  chi rij ri’, eri jun chi ke’ ri’ eri e ajcha’el ri’ k’o jujun taq etab’anem xb’an chi ke, xusolij uwach kiwujil rech kik’aslemal ri’, k’o k’otow chi’aj xb’an chi ke ri’ xuquje’ k’o retalil kicholchak xkiya’ pa k’utik ri’ chuwach ri Komon e Ajcha’el kech ri’ ri are jun pa le k’amow b’e cha’onem ri’ ri Ministro rech  Gobernación, Francisco Rivas Lara.

COMPARTIR