Pa uterne’xik ri ub’anik ri tzukno’jchak ri’, eri División Especializada rech Investigación Criminal (DEIC) rech ri Wokajil Ajchajin Tinamit (PNC), pa kemonchak kuk’ ri q’atol tzij rech ri Ministerio Público (MP), xkib’an k’ilaj puqtzukunem pa jalajoj taq k’olib’em rech ri amaq’ tinamit ri’, rumal k’u ri’ xb’antaj kowonem e k’o kak’al lajuj (50) chi winaqil jalajoj ri k’ax kib’anom xechatapaj loq ri’.
Eri utzijol xkiya loq ri ajchajin tinamit, xkib’ij k’ut che e k’o e kak’al job’ chi achijab’ kuk’ e job’ chi ixqoib’ xkichap loq, eri kab’ixik chi k’o jalajoj ri kimak xib’an ri’: b’anoj k’ax che rixoqil, b’anoj k’ax, elaq’ toq’inik pwaq, xe’utzuq ta ralk’uwal pa rachoch, xuch’ay rixoqil, xub’an elaq’nik, xub’an pora’n xuquje’ rumal reqaxik k’aqb’al q’aq’ ri’.
Eri xechapik e’are ri’ a Fernando “N” uwinaqil ri jun clica “Porteños locos” rech ri mara salvatrucha, xub’an elaq’ toq’inik pwaq xuquje’ b’anoj taq elaq’ ri’. Xuquje’ xub’an elaq’ toq’inik pwaq pa le junab’ 2024 ri’.
Pa Alta Verapaz ri’, xchapataj loq a Melvin “N”, 20 ujunab’ xuquje’ ri unan ub’i’ al María “N”, 41 ujunab’ ri’, xriqitaj jun raqarik k’aqb’al q’aq’ kuk’, ruk’ jun k’aqb’al xuquje’ 57 ub’aq’ k’aqb’al ri’, ri maj uwujilal.
Eri b’anoj puqtzukunem kumal ri e’ajchajin tinamit xuya uchuq’ab’ ri b’anon chajinem ri’ rumal ri’ Ministerio rech Gobernación rech uq’atexik uchuq’ab’ ri b’anoj taq k’ax ri’, rumal ri’ xub’ij k’ut eri uchak ri’ are rech kub’an ya’olchajinem chi ke ri winaqilal e’aj iximulew ri’ rech kaya’taj pa ucholalejil ri chajinem pa rulewal amaq’ tinamit. Rech b’anoj ri chajinem pa saqilal ri’.