Pa na’tib’al kiq’ij ri lajuj chi reqa’lenelab’ ri Wokajil Ajchajin Tinamit (PNC) che ri xekamisax kanoq pa 16 rech enero kanoq, rumal ri’ pawe q’ij kamik xb’an jun nim kimixa pa le Catedral Metropolitana rech ri uk’u’x amaq’ tinamit.
Pa le nim mixa xek’oji ri ukab’ k’amal b’e amaq’, Karin Herrera; ri ministro rech Gobernación, Marco Antonio Villeda; ri viceministros rech ri taqawokaj Ya’olchajinem pa Amaq’, ri k’amal b’e rech ri PNC, Davis Custodio Boteo; ri rajtaqanelab’ ri rajtaqanelab’ ri e’ajchajin tinamit, ri kalaxik, kachalal ri xekamik kuk’ ri reqa’lenelab’ ri wokajil ajchajin tinamit.
Pa le mixa, eri obispo ri cardenal Álvaro Ramazzini sib’alaj xub’ij xuya uq’ij ri chak ri kipatan xuquje’ ri kiq’ij kik’aslemal ri PNC ri’, sib’alaj xub’ij che ri b’anoj chajinem xeb’el wi pa tinamit ronojel taq q’ij are rech xkito’o ri kik’aslemalil xuquje’ rech ri kub’sib’al kik’u’x ri winaqilal e’aj iximulew.
Pa k’isb’al ri’ xuya ub’ixik rech kutoq’ob’isaj kuwach ri kachalal ri xekamik xuquje’ xub’ij che rajawaxik kaloq’axik una’texik ri eqa’lenelab’ che ri xekamik rech are la’ ya’ik uchuq’ab’il ri joremal xuquje’ ri chajinem winaqilal ri’.