Chakub’isaj rilik pa expertaje we qas k’o pa saqil uwujil ri ch’ich’ kaloq’o

Eri q’atb’al tzij rech ri Sección Kuq’atij Keleq’axik ri Ch’ich’ rech ri División Especializada rehc Investigación Criminal (DEIC) rech ri Wokajil Ajchajil Tinamit (PNC), kakiya ub’ixik chi ke ri winaqil pa tinamit man tojom taj nab’e na chakisolik pa le División rech Expertaje ri ch’ich’ kakiloq’o we k’o pa saqil uwujilal rilik ri’.

Are la’ xkib’ij rumal xeriqitaj jo’ob’ chi ch’ich’ pa taq rulewal tinamit rech Retalhuleu, Zacapa, Jalapa, Suchitepéquez xuquje’ Chinab’jul ri’.

Eri jun chi ke ri ch’ich’ ri xriqitajik ri reqam ri placa rech kab’inisaxik P-559CTC, saq rij, ri k’o pa le precio “Mario Aguilar”, k’o pa zona 5 rech Retalhuleu, rumal xtaq rilik rumal ri Ministerio Público ri’ (MP).

Chi la’ k’ut eri e ajchajil tinamit xkiriq wi pa le 9na. calle 3-57 Barrio La Reforma, Zacapa, eri camioneta placas P-332KHC, ri are xkib’ij ri ajtzukunel chi rij chi k’exom uranch’ich’.

Eri jun ch’ich’ tipo pckup, marca Volkswagen, placas P-352FBR, ri xriqitaj pa le 6ta. calle residenciales Monte Líbano, zona 3 rech Mazatenango, Suchitepéquez ri’, ri kab’ixik chi xeleq’ax ri’.

Eri ajchajil tinamit xuquje’ xkichap loq jun ch’ich’ jun chi pickup placas P-583BNG, josom ri rajilab’al uranch’ich’, xriqitaj pa Chinab’jul ri’.

Pa le b’anoj utzukuxik uwach xb’an kumal rajtzukno’jchak ri ajchajil tinamit xkib’ij eri jun pickup ri’ ruk’ ri placas P-345KJD, pa le colonia El Porvenir rech Monjas, Jalapa, rumal kab’ixik chi xeleq’axik.

Rumal k’exom uranch’ich’, eri reqa’lenel rech expertajes rech Xe’laju’, xkichap jun pickup P-138CQH, ri xk’am b’i pa q’atb’al tzij rech pa le tinamit ri’.

Are la’ kab’ixik eri servicios rech expertaje are tojom taj pa le chakuja k’o pa uk’u’x nimatinamit rech Iximulew, k’o Chinab’jul, Zacapa, Xe’laju’ xuquje’ Petén, pa aninaqil kasolix chi la’ k’ut xuquje’ elinaq kel kuk’ ri kich’ich’ ri winaq chi la’ k’ut. 

Noticias Recientes