Rumal k’ut ri b’anoj tzukunem ya’olchajinik xb’antaj rumal ri Ministerio rech Gobernación rech uq’atexik ri toq’inik pwaq kumal elaq’omab’ pa juntir amaq’ ri’, rumal ri’ eri reqa’lenel ri Wokajil Ajchajil Tinamit (PNC) pa le reqale’nik ri Subdirección General rech Investigación Criminal, xkib’an k’ut 28 chi b’anoj tzukunem pa kachoch winaq, rech xkisolij, rech k’o xkitzukuj xuquje’ rech xkik’am b’i juntir ri q’alajisab’al ri’.
Eri b’anoj tzukunem ri’ are la’ xb’antaj pa taq le tinamit rech Xe’laju’, San Marcos, Escuintla xuquje’ Iximulew ri’, rech xterenb’exik kaq’atxik ri nik’aj molaj e’ajb’anol k’ax ri’ che ri tajin xkib’an toq’inik pwaq ri’ xuquje’ xkib’an k’aqanik chi ke e’ajchoq’e chi’, e’ajb’inisal ch’ich’, chi ke e’ajk’ayinelab’ xuuje’ chi ke winaq pa taq kachoch ri’.
Rumal ri’ xb’antaj kowonem xechapatajik wari’ a Edgar Saúl Pérez Paz 37 ujunab’, a Carlos Miguel Monzón Juárez 19 ujunab’, a Audilio Benedicto Ramos Gonzáles 32 ujunab’, a Mariano Leonardo López Vail 76 ujunab’, a Adrián Ricardo Cartagena López 21 ujunab’, a Marco Antonio Monterroso Orozco 19 ujunab’, al Mirna Noemí De León Pérez 33 ujunab’, al Ruth Nohemí Orantes Jocol, al María Isabel Andrés López, a Roberto Antonio López Cayax 33 ujunab’, al Edna Elisabeth Rodas Solórzano 32 ujunab’, a Albert Raúl López Pérez xuquje’ a Marlon Iván Gómez Hernández 27 ujunab’ ri’.
Xuquje’ xechapataj nik’aj chik ri’ a Henry Rolando Castro Gómez, a Roberto Antonio López Cayax 33 ujunab’, al Ruth Nohemí Orantes Jocol, al María Isabel Andrés López xuquje’ al Carmelita del Rosario Pérez Flores 22 ujunab’ ri’.
Konojel ri xechapataj ri’ eri b’anoj k’ax xkib’an ri’ are wari’, b’anoj taq kamisanik, b’anoj taq toq’inik pwaq, b’anoj k’ayin awan kunb’alil, toq’inik pwaq, b’anoj k’ax chi ke e’ajchoq’e ch’ich’ kuk0’ e’ajb’inisal rech ri’, b’anoj xib’inem ri’, jeri’ utzijol xkiya’ loq ri q’atb’al tzij ri’.