Eri ajtzijolinel rech ri Wokajil Japache’, Rudy Esquivel xuya’ utzijol che ri b’anow tzukunik che ri xaq katajin ri’ pa we junab’ ri’, xuya’ pa retal rech xb’antaj kowinem xechapataj e 115 chi winaq ri’ kab’ixik rumal xkaj xkikoj jastaq maj pa usaqil pache’ le k’o pa we amaq’ ri’.

Eri xechapataj ri’ kab’ixik e chi ke ri’ e k’o 12 e ajchak pache’ ri’ xuquje’ e k’o 12 chi ke e ajch’ab’inel ri’, xuquje’ e k’o 91 chi e ajpache’ chi ke ri’ xek’am b’ik pa q’atb’altzij ri’ chi rij ri xraqataj kuk’ ri’.

Eri b’anow tzukunik chi’ are rech q’atel b’anow taq k’ax ri’ rumal ri’ e k’o e 115 chi winaq ri’ chuwach na ri e 97 che ri e chapom ri’ pa le junab’ rech 2017, ruk’ e 26 e ajchajinel, 34 e ajch’ab’inel xuquje’ kuk’ e 37 e ajpache’ ri’.

Eri b’anow tzukunik are xb’an pa 21 japache’ rumal ri’ Grupo Elite rech ri Japache’ ri’, kumal ri Fuerzas Especiales rech ri Wokajil Ajchajil Tinamit xuquje’ kumal ri q’atol tzij rech ri Ministerio Público chi’ k’u ri’ xek’am wi’ b’ik le winaq che ri xechapataj ri’ rumal xraqataj kuk’ jastaq maj pa usaqil xkaj xkikoj pache’ ri’.

Eri Ministerio rech Gobernación xuquje’ ri Wokajil Japache’ ketajin na che b’anow tzukunik pa komonb’al ri’ pa ronojel amaq’ are rech taqim utzukuxik jastaq maj pa usaqil xuquje’ are rech uq’atexik b’anow taq k’ax pa taq japache’ ri’.