Eri Wokajil Ajchajil Tinamit (PNC) pa reqale’nik ri Wokajil Ajchajinel e Ajq’atil Pandillas (DIPANDA) rech ri Subdirección General rech Investigación Criminal (SGIC) k’o tzukunem xkib’an pa taq le wokja rech ri zona 18 rech k’o 16 chi b’anoj tzukunem xkib’an ri’ xuquje’ rech k’o 15 chi xkichap loq.
Pa jun k’olib’alil k’o pa le Colonia El Limón, asentamiento Esquipulitas, chi’ xechapataj wi loq e kajiob’ chi winaqil e k’o oxib’ ixoqib’ chi ke xuquje’ k’o jun achi chi ke, kab’ixik xch’ob’otaj kuwach e are ri’: Kimberly Victoria Batres Portales, al Jessica Oneyda Batres Portales, al Estefany Araceli Batres Portales xuquje’ a Edwin Armando Rodriguez Ibarra, kab’ixik e are e uwinaqil ri jun clica hollywood Gánster rech ri Barrio 18, kab’ixik e are k’o toq’inik pwaq xkib’an ri’.
Eri jun chi ke ri xchapataj loq kab’ixik are rajtzijolinel ri Barrio 18, are toq’inik pwaq tajin kub’an chi ke ri e ajk’ayil jastaq ri’, chi ke e ajk’ayinel pa k’ayib’al ri’, chi ke taq e ajb’inisal ch’ich’ che ri kakijach jastaq pa taq k’ayib’al xuquje’ chi ke ri kakib’inisaj rech kakik’am b’i winaq pa taq tinamit, rumal ri’ eri PNC katajin che kichapik rech uq’atexik toq’inik pwaq chi ke taq winaq ri’.
We kamik kab’ixik e k’o chik 15 chi winaqil e chapom chik kab’ixik e are ri’ e uwinaqil ri Barrio 18 ri’.