Aretaq xtaq ukojik ri taqanem tzij rumal le K’amoj ub’e Taqawokaj Amaq’ rech uq’atexik ri urox uq’ijol ri jun itzel yab’il COVID-19 ri’, eri Gobernador Departamental rech San Marcos, Luis Carlos Velásquez, pa komonchak xchakun ruk’ ri Wokajil Ajchajil Tinamit (PNC), k’i uwach taq b’anoj chajinem pa taq le 30 uq’ab’ tinamit rech ri rulewal tiamit ri’ jacha’ ri Korlim Q’atenik k’ax xkoj chi’.
Eri ub’ixikil kech ri taqanel rch ri comisaría 42 rech ri PNC, kub’ij, pa jun ja k’olib’alil k’o pa le 1ra. Calle 7ma. Avenida zona 1 rech ri tinamit Malacatán, chi’ k’ut xchap wi loq e jo’ob’ chi winaqil e are wari’ a Audelino Roblero Verduo, 22 ujunab’; a Gustavo Velásquez Chilel, 35 ujunab’; a Eliodoro Castañón Pérez, 45 ujunab’; a Luis Emilio Gómez López, 40 ujunab’, e are keb’ixik xeriqitajik ketajin che tijow tzam ri’ xuquje’ jun ixoq ub’i’ Macaria Filomena Pérez Choc, 29 ujunab’, kab’ixik are kuk’ayij tzam chi’ rumal ri’ are jun xchapataj ri’.
Emu wa’ kab’ixik pa jun chik ja k’olib’al k’o pa le 3ra. Avenida 5ta. Calle zona 2, rech ri uq’ab’ tinamit fronterizo rech Malacatán ri’, chi’ k’ut xechapataj wi loq e jo’lajuj chi winaqil kumal ri ajchajilt tinamit ri’ kab’ixik eri xechapataj ri’ e are k’u ri’ al Kimberly Michelle Carrio Gamboa, 19 ujunab’; al María del Cielo Bamaca Sandoval, 18 ujunab’; al Dayana Alejandra Solano Castillo, 25 ujunab’ ri’ xuquje’ a Rodrigo André Flores de León, 18 ujunab’ ri’.
Xuquje’ xechapataj loq a Osbely Juárez de León, 20 ujunab’; a Milton Armando Martínez Mazariegos, 20 ujunab’; ri Beker Ochoa Gallegos, 27 ujunab’; a José Emilio Estrada Mazariegos, 26 ujunab’; a Darwin Alejandro Rodríguez, 24 ujunab’; a Alex Ochoa Ochoa, 39 ujunab’; a Selvin Yobany Vargas Rodas, 32 ujunab’; a Sergio Morales Chic, 33 ujunab’; a Pedro Antonio Alvizures Girón, 26 ujunab’; ri Mibsar Magdiel Váldez Múñoz, 28 ujunab’ ri’, konojel ri’ xeriqitajik ketajin ceh tijow tzam ri’, en k’u ri’ a Jeremin Grua Zea, 26 ujunab’, kab’ixik are ajk’ayil tzam chi la’ k’ut rumal ri’ xchapataj loq.
Eri Gobernador Departamental, xub’ij eri ri PNC, ya’tal pa uq’ab’ rech ke’uchap loq konojel ri winaqil che ri kakinimaj ta utzij ri taqanem rech uq’atexik ri jun itzel yab’il rech ri Coronavirus COVID-19 ri’.