Eri q’atb’altzij rech ri División Nacional rech Q’atenel taq Pandillas (DIPANDA) rech ri Wokajil Ajchajil Tinamit, xkiya’ loq utzijol che e k’o 30 chi uwinaqilal ri pandillas rech Imitadores xechapataj loq kumal, ri keriqitajik pa q’atoj tzij xuquje’ chi’ k’u ri’ xya’taj ub’ixik chi ke k’o k’ak’ kimaj kib’anom chi rij toq’inik pwaq ri’ pa jalajoj taq japache’ tz’apib’al rech pa we amaq’.
Chi ke ri nik’aj mara ri’ e k’o 14 kajtaqo’n ri’, 7 ri taqanel ri’ xuquje’ ri jun chik nimtaqanel ub’i’ David Quinteros López, tz’apil pache’ ri’, chi ke ri’ e k’o 21 chi ixoqib’ ri xkiya’ loq kib’i’ rech k’olib’al kojb’al kipwaq pa pwaqb’al ja rech xkik’am pwaq rech ri toq’inik pwaq ri’ xkesaj chi ke ri empresas rech ch’ich’ erelwinaq rech pa taq tinamit keb’e pa occidente ri’ xuquje’ pa sur occidente rech pa amaq’ ri tajin xkib’ij chi ke kakikamisaj we man kanimix ta kitzij ri’.
Eri tzukunem b’anom kumal reqa’lenelab’ ri DIPANDA ri’, xuq’alajisaj che ri nik’aj e ajpache’ ri xya’taj ub’ixik chi ke ri b’anoj k’ax xkib’an chik aretaq xkikoj kib’ che uwinaqil nik’aj Zetas, nik’aj MS xuquje’ nik’aj Barrio 18 ri xkitaqij k’ut resaxik pwaq chi ke ri e ajchoq’e ch’ich’ rech erelwinaq xuquje’ chi ke ri e ajb’inisal taq ri ch’ich’ ri’.
We kamik ri’ e k’o wajxaqib’ chi ixoqib’ e k’o pahe’ ri’ xya’taj ub’ixik chi ke che k’o nik’aj chik kimak xkib’ano rumal ri’ ketz’apib’ na pache’ ri’, eri kajilab’al kutun rib’ kuk’ ri 30 Imitadores rech keq’atataj ri’.
Eri b’anoj k’ax kumal are wari’: Toq’inik pwaq, xaq katajin toq’inik ri’, choman b’anoj k’ax toq’inik pwaq chi ke e ajchoq’e ch’ich’ erelwinaq, toq’inik taq pwaq ri’, choman b’anoj k’ax xuquje’ kamisanik ri’.
Eri q’atb’al tzij xkisik’ij ri winaqilal ri’ rech xkib’ij chi ke chakib’ij b’a’ loq ri b’anoj k’ax kamisanik, toq’inik pwaq ri’, pa le 110 rech PNC, pa le 1574 rech ri Ministerio rech Gobernación, are wa’ rech kaq’atataj nik’aj pandilleros kakib’an ri k’ax ri’.