Pa taq le oxib’ k’isb’al ik’ ri’ eri q’atb’altzij rech ri Wokajil Ajchajil Tinamit (PNC), xkiya’ loq ub’ixik che e k’o 300 chi winaqil e chapom chi loq pa kajlajuj awam nimaq’ij pa le uq’alanik ri K’amal b’e Amaq’ rumal ri’ jun itzel yab’il rech Coronavirus (COVID-19) ri xmajtaj loq pa marzo pa we qatinamit.
Chi ke taq ri xechapataj kanoq e k’o ri’j taq winaq xuquje’ e k’o ak’alab’ ri man xkinimaj taj uq’alanik ri k’amal b’e amaq’ rech pa le uq’atexik ri jun itzel yab’il ri’.
Eri winaq e k’o xechap loq pa taq ja k’olib’al, pa taq k’ayib’al tzam pa we qatinamit.
Are wa’ rumal man keniman taj pa taq le uq’ij ri jun itzel yab’il ri e k’i winaq e’ukamisam chi b’i. Rumal ri’ kakisik’ij ri winaqil rech kakib’ij b’a’ loq we k’o b’anoj k’ax kab’an chi ke chakib’ij loq pa le 110 rech PNC.