Are taqim k’ut ri tijonem rech k’utb’e chi ke ri ak’alab’ ri’, rumal ri’ eri Departamento rech Tránsito rech ri Wokajil Ajchajil Tinamit (DTPNC) k’a pa le nab’e q’ij rech enero paq’ij kamik, xkitijoj pa konojel e 321 chi ak’alab’ rech Inspectores Escolares, pa jalajoj taq tinamit.
Eri q’atb’al tzij xkib’ij eri cholchak tijonem ri’ are la’ jun utz chakub’al kakoj pa kub’sib’al chajinem chi ke ri e ajtijoxel rech ri nab’e q’attijonem ri’: xuquje’ rech kak’ex ri kachomab’al ruk’ ri kib’anob’al xuquje’ kino’jib’al rech utz ri kiwa’katem kakib’an chuwe’q kab’ij pa taq ri nimab’e pa qatinamit.
Eri choltijonem ri’ are la’ xb’antaj kumal ri Sección rech Educación Vial, rech ri DTPNC, are la’ ch’ob’om chik jun tijonem kakib’ano pa kuk’al rajilal kajb’al; lajuj rech kakik’am kina’oj xuquje’ wajxaqib’ chik rech kakich’ob’ ub’anik.
Pa le q’ij ri’ eri ajtijoxel xetijox che urox pa uwaq rech nab’e q’attijonem, rech xetijox chi rij ri taqanem rech k’utb’e, rech uwokob’al xuquje’ utzij k’utb’e. Xuquje’ eri e ajtijoxel rech e k’o pa le wokoj tob’anem, k’o ri jun kiwujilal kaya chi ke rech xe’ok che inspectores, kuk’ kipuwi’, kichalekos, kixul xuquje’ rech kakich’ob’ kakitab’o ri ch’ich’, rech are la’ kakikoj pa le rachoch tijob’al ri’.
Ri puq xkitijoj kib’
Pa we junab’ e k’o jo’ob’ puq xkitijoj kib’ pa 45 rachoch tijob’al rech Poptún, Petén; Jalapa, San Lucas xuquje’ Villa Nueva, Guatemala xuquje’ Colomba Costa Cuca, Xe’laju’ ri’.