E k’o 38 mil e chapom chik rumal PNC pa q’ijol taqanem q’alanik rumal ri k’amal b’e amaq’

Eri q’atb’altzij rech ri Wokajil Ajchajil Tinamit (PNC), xkiya’ lo ub’ixik che pa le 22 rech marzo xq’atexik xaq tane’ kewa’kat chik winaq rumal ri’ k’amal b’e amaq’, rumal ri jun itzel yab’il rech ri Coronavirus (COVID-19), e k’o 38 mil 281 chi winaqil rumal kenimantaj xechapataj loq.

Eri rajilab’al rech pa le 22 rech marzo ri’ xq’alajinik e k’o 5 mil 457 chi winaqil xechapataj ri’, e pa  abril e k’o 9 mil 789 ri’, e pa mayo 7 mil 355 ri’, e pa junio e k’o 6 mil 621ri’, e pa julio k’o 6 mil 503 ri’ xuquje’ e pa 22 rech agosto k’o 2 mil 556 ri’.
E pa rulewal tinamit Ixim e k’o ri’ 10 mil 111chi winaqil e chapom ri’, pa Escuintla ruk’ 2 mil 772 ri’, pa Alta Verapaz ruk’ 2 mil 566 ri’, pa Chinab’jul ruk’ 2 mil 273, pa Suchitepéquez k’o 1 mil 792 ri’. E pa Chuwi’meq’ina’ k’o 352 chi winaqil e chapom ri’.
Eri xechapatajik e arewari’: e k’o 35 mil 340 chi achijab’ e chapom loq, k’o 2 mil 420 chi ixoqib’ ri’, e k’o 459 chi achijab’ e chapom loq xuquje’ e k’o 62 chi q’apoj ixoqib’ e chapom ri’. Eri q’atb’altij xkitzuj loq che pa taq le q’ij sábados xuquje’ domingos are chi’ qas e k’o winaq xechapataj loq.
xuquje’ k’o 459 chi k’aqb’al xraq ri’, e k’o chi ch’ich’ xraq ri’, k’o 47 ch kejch’ich’ xraq ri’. E k’o 121 chi kejch’ich’ xuquje’ 81 chi ch’ich’ keb’inisaxik xechap ri’.

Eri b’anoj tzukunem ri’ are sib’alaj utz rumal ri’ xutaq loq ub’anik rumal le k’amal b’e amaq’ xuquje’ rech uq’atxik ri jun itzel yab’il Covid-19 ri’.

Noticias Recientes