Eri riqoj ib’ kuk’ ri winaqilal kumal ri’ reqa’lenel ri División Especializada rech Investigación rech Villa Nueva ri’, are kub’an rech kakub’ kik’u’x ri winaqil chi ke ri wokaj ajchajil tinamit ri’, rumal ri’ xeriqitaj ri ixoqib’ e sachinaq ya’om kitzijol pa Alertas Isabel Claudina ri’, xuquje’ ak’alab’ e q’apojil k’o kitzijolil pa alerta Alba Keneth ri’.
Eri q’atb’al tzij xkib’ij ri’ che k’o e riqom chik 131 chi winaqil pa ik’ enero pa le 23 rech mayo rech pa junab’ ri’, e pa Villa Nueva e k’o (63) ri’, pa Amatitlán (20) ri’, pa San Miguel Petapa (12) ri’, xuquje’ pa Villa Canales (26) ri’.
Eri rajilab’al kitzijol ri’ are kuk’utu che xeriqitaj ri’ e 28 chi ixoqib’ ya’om kitzijol, e 103 chi ak’alab’, taq ala, taq ali xuquje’ e q’apojil ri’, rumal jalajoj uwach ri k’ax xkiriq pa kachoch ri’ xuquje’ rumal man xkaj ta chik xeb’e pa q’atb’al tzij ri’.
Rumal ri’ eri q’atb’al tzij pa amaq’el ketijon chi rij ub’ixik pa aninaqil katzukuxik ri ak’alab’ e kesachik, jeri’ ya’tal b’a’ ri ch’a’wib’alil 110 rech ri PNC rech wexa’ k’o kakib’ij loq.