Pa jun b’anoj chakunem pa aninaqil kumal reqa’lenel e ajchajil tinamit xaq k’a te’et ri’ xkichap loq keb’ chi e ajb’anol elaq’ ri’ jun chi ke aretaq xil utzijol rumal ri Wokajil Ajchajil Tinamit (PNC) xq’alajinik che are jun chi ke ri e jok’al winaq che sib’alaj tajin katzukuxik ri’.
Are k’ut jun achi ub’i’ Rony Geovani Sales Cinto 21 ujunab’ ri q’ab’em ub’i’ «El Pelón o Tatalapo» ri’, xchapataj ruk’ jun chik rachib’il ub’i’ Robin Estuardo Pérez Flores 18 ujunab’, eri keb’ winaq ri’ e are k’ut xkib’an ri elaq’ chi ke ri winaqil rech ri caserío Piedra Blanca, comunidad agraria Las Merecedes, Colomba Costa Cuca, rech Xe’laju’ ri’.
Eri q’atb’al tzij rech PNC ri’, xkib’ij eri Sales Cinto are sib’alaj xtzukuxik rumal k’o b’anoj kamisanik xub’an ri’ xuquje’ ruk’ nik’aj chik b’anoj k’ax rumal ri’ xtaq lo uchapik rumal ri q’atb’al tzij rech ri Occidente rech pa Amaq’ ri’, pa le 31 rech enero rech pa junab’ kanoq.
Rumal ri’ k’o nim upatan ri chakunem ri’ tajin rumal ri Ministerio rech Gobernación, pa utaqanik ri Ministro, Gendri Reyes Mazariegos, rumal ri’ xukoj jun ub’ixik rech k’o Q. 50,000.00 chi pwaqil katoj ri’ chinaq winaq kub’ij loq kitzijol jujun chi ke «E jok’al winaq qas tajin katzukuxik», rumal ri’ xya’taj una’tixik chinaq karaj kub’ij kitzijol loq pa le 110 xuquje’ pa le 1561 ri’.