Pa komonchak kumal reqa’lenel ri Wokajil Ajchajil Tinamit (PNC) xuquje’ rumal ri Procuraduría General rech ri Amaq’il (PGN) xkiriq k’ut e jo’ob’ chi taq ak’alab’ kitukel e ya’m kanoq pa kachoch maj kiwa ri’ pa le aldea Nueva Jersusalén, pa Puerto Barrios, Izabal xeriqitaj loq pa k’axk’onem ri’.
Chanim k’ut eri q’atb’altzij xuquje’ ri PGN xe’opan pa le ja k’olib’al e oxib’ chi taq ak’alab’ k’a te jujun kijunab’ ri’, jun chik keb’ ujunab’ xuquje’ jun chik waqxaqib’ ujunab’ kitukel e ya’m kanoq pa le ja k’olib’al ri’.
Aretaq xesolixik rumalri Procuraduría kech ak’alab’ k’a xkilo maj kiwa kitijom ri’xuquje’ xkib’ij che jeri’ kab’an chi ke ronojel q’ij kitukel keya’ kanoq chi’.
Aretaq xb’an jun nim kisolixik jawchi’ k’o ri ja k’olib’al ri’ xkil k’ut che k’o nim k’axk’onem keriqitaj wi rumal ri nima kaqiq’ jab’ Eta xuquje’ Iota che ri k’a te xok’ow pa rulewal tinamit ri’, rumal ri’ ri ja k’olib’al ri’ k’o nim k’axk’onem ri’, xaq jub’ik chik karaj katzaq pa ulew ri’.
Rumal ri’ eri taq ak’alab’ xeriqitaj chi’ xek’am b’i pa nimaja rech kunanem winaq chi la’.