Pa taq le b’anoj tzukunik katajin kumal reqa’lenelab’ ri Wokajil Ajchajil Tinamit (PNC) pa le tinamit rech San Raymundo pa komonchak rumal ri’ Nab’e Viceministro rech Gobernación, Gendri Reyes achb’ilam rumal ri K’amal b’e rech PNC, José Antonio Tzubán e k’o chik e jo’ob’ chi achijab’ ri kab’ixik man xkinimaj ri utaqanik ri k’amal b’e amaq’ rech ri toque de queda ri’.

Eri xechapataj loq we kamik e are k’ut a Gustavo Adolfo Locón Puluc,
a Víctor Alfonso Locón Suruy,
a Aldo Bladimir Quelex,
a Lester Raúl Salic xuquje’ a José Eduardo Locón Puluc.

Eri q’atb’altzij rech ajchajil tinamit xuquje’ xkib’ij che e k’o ch’ich’ xuquje’ kejch’ich’ kiraqom chi loq pa le b’anoj tzukunik che ri katajin pa ronojel ri tinamit ri’ xuquje’ chi’ xetzukun wi e k’i kuwach ri wokajil ajchajinelab’ tinamit ri’ rech kakilo we ri winaqil kakinimaj ri utaqanik ri taqawokaj pa amaq’ ri’.