Eri reqa’lenel e ajchajil tinamit xkiriq k’ut k’i taq k’aqb’alil ri’, xuquje’ xkiriq loq k’i taq kejach’ich’ xuquje’ ch’ich’ ri’.
Eri b’anoj tzukunem ri’ are tajin ub’anik kumal reqa’lenel ri comisarias xuquje’ kumal ri unidades especializadas rech ri Wokajil Ajchajil Tinamit (PNC) rumal ri’ xb’antaj kowonem xechapataj loq e 2383 chi winaqib’ e ajb’anol taq k’ax ri’ pa ik’ mayo kanoq. E are wa’ xechapataj ri’ are chi’ xb’itaj loq kumal ri winaqil, rumal k’u ri’ xb’antaj ri ya’olchajinem tzukunik pa taq tinamit ri’.
Eri q’atb’al tzij xkib’ij che e k’o 729 chi winaqib’ xechapataj pa nimatinamit Iximulew ri’.
Eri wokaj achajil tinamit xkib’ij che e k’o 729 chi winaqil xechapataj pa nimatinamit, e 1554 xechap pa taq tinamit rech pa we Amaq’ xuquje’ e k’o 851 xtaq kchapik rumal taq q’atb’al tzij ri’.
Eri xriqitajik
Pa le tzukunem kumal e ajchajil tinamit xeriqitaj loq 302 chi k’aqb’alil ri’, ruk’ ub’aq’ k’aqb’al xuquje’ jun nimpoq’ab’al ri’. Xuquje’ xeriqitaj 71 chi kejach’ich’ xuquje’ 69 chi ch’ich’ ri kab’ixik e eleq’am b’i ri’.
Are wa’ juntir ri xriqitajik pa le b’anoj tzukunem ya’olchajinik ri xutaq ub’anik rumal ri Wokom Taqawokaj Iximulew ri’ rech pa le ya’olchajinem winaqil ri’, rech uq’atexik ri b’anoj ka’x ruk’ jastaq maj pa usaqil xuquje’ rech k’o pa ujikomal ri taqanik ucholalejil pa we Amaq’.
Eri xb’itaj kumal winaq ri’
Eri Ministerio rech Gobernación (Mingob) xub’an jun sik’inem ub’ixik chi ke ri winaqil rech b’a’ kakib’ij loq utzijolil b’anoj k’ax kakilo, rumal are wa’ k’o nim upatanib’al che ri b’anoj taq tzukunik ri’ xuquje’ rech kab’antaj kchapik ri e ajb’anol k’ax.
Eri q’atb’al tzij xkib’ij che k’o ri 110 chi ke ri winaq rech k’o kakib’ij loq, ri 1574 rech antiextorsión, ri 1561 rech Crime Stoopers, ri 1577 antinarcótica xuquje’ ri 2329-0088 rech ilonik chi ke winaq kakiriq k’ax.
Eri tzukunem ri’ are la’ tajin ri’ are la’ maltyox che ub’ixik loq kumal ri winaqil ri’.
E 1554 chi winaqil e chapom chik pa taq tinamit ri’.